Старт авіярэйса, які злучыць Мінск і Хайнань, намечаны на 25 мая 2024 года. Аб гэтым паведамляе БелТА са спасылкай на Рэспубліканскі саюз турыстычных арганізацый (РСТА).
Рэйс па маршруце Санья — Мінск — Санья будзе выконваць адна з кітайскіх авіякампаній — Beijing Capital Airlines — два разы на тыдзень па аўторках і суботах, борт — Airbus A330-300. «Авіякампанія ўжо атрымала дазволы на эксплуатацыю маршруту ад упраўленняў грамадзянскай авіяцыі Кітая і Беларусі. Астатнія тэхнічныя пытанні знаходзяцца ў стадыі рашэння», — адзначылі ў РСТА.
Хайнань — другі па велічыні востраў у Кітаі. Санья, куды будзе прылятаць самалёт з Беларусі, — галоўны турыстычны цэнтр Хайнаня. «Тут турыстаў чакае добра развітая турыстычная інфраструктура. Эксперты таксама адзначаюць цудоўную экалогію гэтых мясцін. Трапічны клімат дазваляе адпачываць на востраве круглы год», — дадалі ў РСТА.
Прэв’ю: pexels.com
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».