З’езд БРСМ па выбранні дэлегатаў УНС пройдзе 9 красавіка

З’езд Беларускага рэспубліканскага саюза моладзі па выбранню дэлегатаў Усебеларускага народнага сходу пройдзе 9 красавіка, паведаміла старшыня Цэнтральнай кантрольнай камісіі БРСМ Марына Кашкур.

«11 сакавіка ў Рэспубліканскім доме моладзі ў Мінску ў змешаным фармаце адбыўся XII Пленум Цэнтральнага камітэта Беларускага рэспубліканскага саюза моладзі. Калектыўны орган БРСМ разгледзеў найважнейшае для маладзёжнай арганізацыі пытанне — вызначыў нормы прадстаўніцтва для дэлегатаў УНС, якія падлягаюць выбранню ад кожнай вобласці і Мінска, — расказала Марына Кашкур. — Члены пленума вырашылі і аднагалосна прагаласавалі за роўную колькасць дэлегатаў саюза моладзі, якія падлягаюць выбранню ва Усебеларускі народны сход, — па дзесяць ад кожнай абласной арганізацыі БРСМ: Брэсцкай, Віцебскай, Гомельскай, Гродзенскай, Мінскай і Магілёўскай, дваццаць ад сталіцы — арганізацыі БРСМ. Такім чынам, 9 красавіка на 45-м з’ездзе Беларускаму рэспубліканскаму саюзу моладзі трэба будзе выбраць 80 дэлегатаў».

З’езду будуць папярэднічаць тэрытарыяльныя, абласныя і Мінская гарадская канферэнцыі Беларускага рэспубліканскага саюза моладзі па вылучэнні кандыдатаў у дэлегаты. Старт канферэнцыям дае 20 сакавіка Магілёўская абласная арганізацыя БРСМ, эстафету 22 сакавіка прыме Гомельская. 28 сакавіка — кандыдатаў ва УНС вылучаць Віцебская і Гродзенская абласныя арганізацыі, 29 сакавіка — Брэсцкая і Мінская абласныя арганізацыі БРСМ. Самае вялікае прадстаўніцтва — 20 кандыдатаў — 27 сакавіка трэба будзе вылучыць на канферэнцыі Мінскай гарадской арганізацыі БРСМ.

Па словах старшыні ЦКК, саюз моладзі прымае самы актыўны ўдзел у падборы і вылучэнні кандыдатаў у дэлегаты. «Першасныя арганізацыі прапануюць ва УНС самых адказных маладых людзей, дастойных прадстаўнікоў розных галін і прафесій, якія ведаюць праблемы на месцах і гатовы прыняць самы актыўны ўдзел ва ўмацаванні нашай дзяржавы. У першую чаргу яны заручаюцца падтрымкай пярвічак, раённых/гарадскіх, а затым абласных і Мінскай гарадской арганізацый БРСМ», — растлумачыла яна.

«Усебеларускі народны сход стане адзін з самых аўтарытэтных прадстаўнічых органаў Беларусі, перад якім стаяць самыя сур’ёзныя задачы. Для маладых людзей вельмі важна, каб яны былі ўцягнуты ва ўсе працэсы, якія адбываюцца ў дзяржаве, — адзначыла Марына Кашкур. — І дзейнасць нашай арганізацыі накіравана на тое, каб мы маглі зарэкамендаваць сябе і паказаць грамадству гатоўнасць браць адказнасць за Радзіму, за родную Беларусь».

Выбраць дэлегатаў ва Усебеларускі народны сход саюзу моладзі дае магчымасць прынятае Міністэрствам юстыцыі рашэнне аднесці БРСМ да ліку суб’ектаў, якія маюць права ўзаемадзеяння з дзяржаўнымі органамі (арганізацыямі) у асаблівых формах.

Прэв’ю: БелТА