На 43-м годзе жыцця памёр вядомы беларускі хакеіст і трэнер Канстанцін Кальцоў. Пра гэта паведамляе тэлеграм-канал уфімскага клуба «Салават Юлаеў».
«З глыбокім смуткам паведамляем, што пайшоў з жыцця трэнер „Салавата Юлаева“ Канстанцін Кальцоў. Ён быў моцным і жыццярадасным чалавекам, яго любілі і паважалі ігракі, калегі, балельшчыкі», — гаворыцца ў паведамленні.
Гульнявую кар’еру Кальцоў пачаў у мінскім «Юнацтве», потым выступаў у мінскім «Дынама» і расійскіх клубах «Северсталь» (Чарапавец), «Ак Барс» (Казань), «Спартак» (Масква), падмаскоўным «Атланце» і «Салаваце Юлаеве», з якім у 2011 годзе стаў уладальнікам Кубка Гагарына. Акрамя таго, ён гуляў у клубе НХЛ «Піцбург Пінгвінз».
Падчас трэнерскай кар’еры працаваў у «Брэсце», «Дынама» (Маладзечна), уваходзіў у трэнерскія штабы маскоўскага «Спартака» і з 2022 года «Салавата Юлаева».
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.