Міністр эканомікі Юрый Чабатар у эфіры тэлеканала «Беларусь 1» распавёў аб стратэгічных ініцыятывах Міністэрства эканомікі і новых падыходах да інвестыцыйнай актыўнасці ў краіне, паведамляе БелТА.
«Калі датычыцца пытання стратэгічных ініцыятыў, то гэта ў першую чаргу Нацыянальная стратэгія ўстойлівага сацыяльна-эканамічнага развіцця Рэспублікі Беларусь, — сказаў Юрый Чабатар. — Гэты дакумент распрацоўваецца на 15 гадоў, і ў ім вызначаюцца асноўныя контуры будучыні нашай краіны — эканамічныя, дэмаграфічныя і гэтак далей. Канцэпт такога дакумента ўжо гатовы. Мы яго размясцілі для разгляду, і любы грамадзянін можа выказаць свае ідэі, бачанне будучыні нашай краіны».
Юрый Чабатар дадаў, што літаральна нядаўна дэпутаты прынялі ў другім чытанні законапраект «Аб змяненні Закона Рэспублікі Беларусь «Аб інвестыцыях», які ўступіў у сілу ўжо летам. І зараз перад Міністэрствам эканомікі стаіць задача, каб усе навелы гэтага дакумента былі падмацаваныя адпаведнымі праектамі, якія былі б запушчаны практычна адразу. «Напрыклад, мы ўкараняем інструмент бюджэтных трансфертаў. Адпаведна да моманту ўступлення ў сілу падбяром некалькі праектаў, якія пойдуць па гэтым інструменту. Такім чынам, закон адразу пачне працаваць, як той казаў, з колаў», — сказаў на заканчэнне ён.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
