Разам з міністрам унутраных спраў пасля набажэнства ў ледзяную купель, абсталяваную ў Цэнтры падрыхтоўкі, павышэння кваліфікацыі і перападрыхтоўкі кадраў МУС, акунуліся кіраўнікі і супрацоўнікі МУС, дэпартаментаў, абласных УУС і ГУУС Мінгарвыканкама, вайскоўцы ўнутраных войскаў, курсанты, ліцэісты.
— Вадохрышчанская традыцыя для супрацоўнікаў органаў унутраных спраў значыць шмат, — падкрэсліў кіраўнік міліцэйскага ведамства. — З кожным годам усё больш калег у гэты дзень разам з сем’ямі прыязджаюць да вадаёмаў, каб акунуцца ў палонку. Зрабіць гэта падчас марознага надвор’я немагчыма без загартоўкі, сілы духу — найважнейшых якасцяў для міліцыянера.
Міністр звярнуў увагу: гэтая традыцыя ўмацоўвае карпаратыўны дух падраздзяленняў і яе абавязкова трэба падтрымліваць.
У гэты дзень супрацоўнікі органаў унутраных спраў і вайскоўцы ўнутраных войскаў з усёй краіны далучыліся да акцыі. Гэтае лепшае сведчанне адзінства і згуртаванасці вялікага калектыва МУС — ад ліцэіста да генерала.
— Усіх віншую са святам! Ад душы жадаю моцнага здароўя, цяпла, кахання, утульнасці ў сем’ях і ўсяго найлепшага. А калегам — заўсёды вяртацца дадому жывымі і здаровымі! — сказаў Іван Кубракоў.
Вераніка КАНЮТА
Фота прэс-службы МУС
Карэспандэнты «Звязды» пабачылі, як праходзяцб рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
