Стары Новы год у Вялікім тэатры Беларусі адсвяткавалі сапраўды чароўна. Уявіце толькі: калейдаскоп з музычных нумароў на канцэрце-сюрпрызе і вытанчаныя танцы на святочным балі.
Канцэртная частка мерапрыемства пачалася яшчэ а 17 гадзіне. За інструментальную музыку адказвалі дырыжоры Юрый Караваеў і Віталь Грышчанка. Гэта была самая сапраўдная ноч пераўвасабленняў: яркія нумары, у якіх артысты тэатра паўсталі перад гледачамі ў вобразах зорак савецкай і замежнай эстрады. Было шмат вядомых кампазіцый, на якія публіка рэагавала вельмі станоўча.
Пасля канцэрта госці тэатра пагрузіліся ў феерыю тэматычных інтэрактыўных пляцовак. Сярод іх шматлікія фотазоны, майстар-клас па рэверансе і гістарычным танцы і нават цыганская варажба.
А потым грымнуў паланэз і пачаўся баль. Больш за 20 пар закружыліся ў танцы. Усё атрымлівалася лёгка і вытанчана. За ўсім, што адбывалася, уважліва назірала балетмайстар-пастаноўшчык Юлія Дзятко. Менавіта яна з лістапада развучвала танцы з удзельнікамі балю. А як цудоўна гучала жывая інструментальная музыка: паланэз, контрданс, вальсы, полькі... Музыкі выдатна гралі пад кіраўніцтвам дырыжора балю Віталя Дубовіка.
Трэба адзначыць, што сёлета баль праходзіў у новым фармаце: толькі танцы. Мерапрыемства сумяшчала ў сабе як абавязковую, так і свабодную танцавальную праграму, а яшчэ шмат розных інтэрактываў. Скончылася ўсё толькі к 23 гадзінам.
Лізавета ГОЛАД
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
