Гарадскі навагодні баль у пяты раз прайшоў у Палацы дзяцей і моладзі 26 снежня.
Атмасфера на мерапрыемстве была казачная. 84 пары ў вячэрніх уборах, аркестровая музыка, ззяючыя агеньчыкі на ёлцы – усё гэта выглядала як быццам бы кадры з чароўнага фільма. Аднак за прыгожай карцінкай вытанчанага свецкага мерапрыемства хавалася 2 месяцы ўпартых трэніровак. Паводле слоў намесніка старшыні Мінгарвыканкама Арцёма Цурана, магчымасць узяць удзел у гарадскім балі была дадзена лепшым з лепшых.
– Разыначка балю ў тым, што для яго ўдзелу мы выбіраем тых маладых людзей, якія найбольш вызначыліся ў вучобе, культурных мерапрыемствах, спорце і навуцы. Яны прайшлі працяглую падрыхтоўку, развучвалі танцы. І гэтыя навыкі, безумоўна, ім спатрэбяцца ў будучыні, – адзначыў Арцём Цуран.
На балі было прадстаўлена больш за дзесяць класічных танцаў. Традыцыйна адкрыўся вечар паланэзам. А далей пары закружыліся ў рытме вальса, полькі, кадрылі, падэграса ды іншых танцаў.
Адметна і тое, што акрамя асноўнай праграмы ўдзельнікаў мерапрыемства чакала лазернае шоу, тэматычныя фотазоны і інтэрактыўныя пляцоўкі. Завяршыўся свецкі вечар дыскатэкай пад сучасныя хіты.
Лізавета ГОЛАД
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
