Снег, мокры снег, а днём яшчэ і з дажджом — вось такое надвор’е чакае нас у апошнія дні года, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя.
А ў сераду надвор’е будуць вызначаць атмасферныя франты ад цыклону, цэнтр якога будзе перамяшчацца з краін Балтыі на Разанскую вобласць Расіі праз паўночныя раёны нашай краіны. Воблачна з праясненнямі. Ноччу часам ападкі, днём на большай частцы тэрыторыі краіны кароткачасовыя ападкі ў выглядзе снегу, мокрага снегу і дажджу. Месцамі па краіне наліпанне мокрага снегу, слабы галалёд, на дарогах галалёдзіца. Вецер заходні, паўночна-заходні моцны парывісты. Максімальная тэмпература паветра днём будзе ад нуля да 6 цяпла.
У чацвер адаб’ецца ўплыў няўстойлівых паветраных мас і франтальных раздзелаў, якія ссоўваюцца з боку Заходняй Еўропы. Будзе воблачна з праясненнямі. Уначы па паўночным усходзе, днём месцамі па краіне пройдуць ападкі ў выглядзе снегу, мокрага снегу і дажджу. У асобных раёнах — слабыя туман і галалёд, на дарогах галалёдзіца. Вецер заходні з пераходам на паўднёвы парывісты, ноччу па ўсходзе месцамі моцны парывісты. Тэмпература паветра мінімальная ноччу складзе ад нуля да 6 марозу, а максімальная днём ад мінус 2 градусаў па паўночным усходзе да 6 цяпла па паўднёвым захадзе краіны.
У пятніцу чакаецца досыць вільготна і ветрана. У гэты дзень працягнецца прыток вільготных няўстойлівых паветраных мас атлантычнага паходжання. Воблачна з праясненнямі. На большай частцы тэрыторыі краіны пройдуць ападкі ў выглядзе дажджу, ноччу з мокрым снегам. Уначы і раніцай у асобных раёнах слабыя туман і галалёд, на дарогах галалёдзіца. Вецер паўднёва-заходні парывісты, удзень месцамі моцны парывісты. Тэмпература паветра мінімальная ноччу ад мінус 2 градусаў да 5 цяпла, а днём адліга, калі чакаецца ад плюс 1 градуса па паўночным усходзе да 9 цяпла па паўднёвым захадзе краіны.
Паводле папярэдніх прагнозаў айчынных сіноптыкаў, у суботу і нядзелю мы будзем хлюпаць нагамі. А ўсё таму, што ў апошнія два дні года часам чакаюцца ападкі ў выглядзе мокрага снегу і дажджу. Ноччу і раніцай у асобных раёнах прагназуюцца слабыя туман і галалёд, на дарогах галалёдзіца. Тэмпература паветра ўначы складзе ад мінус 2 градусаў да 5 цяпла. Днём будзе 1–8 цяпла.
Будзе ісці дождж з мокрым снегам і 1 студзеня. У асобных раёнах слабыя туман і галалёд, на дарогах галалёдзіца. Тэмпература паветра ўначы складзе ад мінус 2 градусаў да 5 цяпла. Днём будзе ад нуля да плюс 6 градусаў.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.