Апошнім часам у нас назіраецца ўстойлівы заходне-ўсходні перанос паветраных мас на тэрыторыю краіны. Такім чынам, працягваюць паступаць добра прагрэтыя паветраныя масы з Атлантыкі, а ў выніку гэтага адзначаецца не па сезоне цёплае надвор’е, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Гэта прывядзе да таго, што ў аўторак днём месцамі дыскамфорту будзе дадаваць моцны парывісты вецер, а ў чацвер пагодны маятнік зноў хіснецца ў бок зімы.
А 19 снежня на большай частцы тэрыторыі краіны пройдуць дажджы. Ноччу і раніцай месцамі згусціцца слабы туман, днём чакаецца ўзмацненне ветру парывамі да 15–18 м/с. На асобных участках дарог галалёдзіца. Тэмпература паветра на працягу сутак будзе вагацца ад плюс 2 градусаў да 8 цяпла.
У сераду на большай частцы тэрыторыі краіны чакаюцца ападкі ў выглядзе дажджу і мокрага снегу. Тэмпература паветра на працягу сутак будзе ў межах ад 0 да плюс 6 градусаў.
У чацвер на большай частцы тэрыторыі краіны прагназуюцца ападкі ў выглядзе мокрага снегу і дажджу. На асобных участках дарог галалёдзіца. Ноччу месцамі па захадзе краіны ўзмацненне ветру парывамі да 15–18 м/с. Тэмпература паветра на працягу сутак складзе ад мінус 2 градусаў да 4 цяпла.
У пятніцу часам пройдуць ападкі (мокры снег, дождж). Месцамі ўзмацненне ветру парывамі да 15–20 м/с. На асобных участках дарог галалёдзіца. Уначы слупкі тэрмометра пакажуць ад мінус 3 градусаў да 3 цяпла, а ўдзень — мінус 1 — плюс 6 градусаў.
Згодна з папярэднім прагнозам айчынных сіноптыкаў, няўстойлівы характар надвор’я захаваецца ў нашай краіне і ў выхадныя.
У суботу на большай частцы тэрыторыі краіны чакаюцца ападкі ў выглядзе снегу, мокрага снегу і дажджу. Ноччу месцамі ўзмацненне ветру парывамі да 15–20 м/с. На асобных участках дарог галалёдзіца. Тэмпература ўначы дасягне мінус 4 — плюс 2 градусаў, а ўдзень — мінус 2 — плюс 5 градусаў.
Амаль такое ж надвор’е чакаецца і ў нядзелю. Часам прагназуюцца ападкі ў выглядзе снегу, мокрага снегу і дажджу. На асобных участках дарог галалёдзіца. Уначы сіноптыкі абяцаюць мінус 5 — плюс 2 градусы, а ўдзень — ад мінус 1 градуса на поўначы да 7 цяпла на поўдні краіны.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
