Белкаапсаюзу неабходна выпрацаваць эфектыўную бізнес-мадэль. Пра гэта заявіў прэм’ер-міністр Раман Галоўчанка падчас пасяджэння Прэзідыума Савета міністраў, паведамляе БелТА.
«Трэць насельніцтва краіны карыстаецца паслугамі Белкаапсаюза, асабліва людзі, якія пражываюць у сельскай мясцовасці, у невялікіх гарадах і населеных пунктах, дзе часцяком іншай альтэрнатывы сістэме спажыўкааперацыі проста не існуе. Аднак пытанняў да працы спажыўкааперацыі маецца нямала, — сказаў Раман Галоўчанка. — Па выніках першага паўгоддзя бягучага года Прэзідэнтам дадзена дастаткова жорсткая ацэнка дзейнасці Белкаапсаюза. Патрабаванне адно — сістэма павінна ў самыя кароткія тэрміны мабілізавацца і паспяхова завяршыць гэты год».
Аднак, паводле яго слоў, вынікі функцыянавання спажыўкааперацыі за мінулы перыяд пакуль не дазваляюць даць аптымістычную ацэнку. «Шмат абгрунтаваных прэтэнзій у людзей па асартыменце, наяўнасці тавару ў крамах сістэмы спажыўкааперацыі. Большая частка аб’ектаў здаецца ў арэнду, колькасць адкрытых новых кропак вельмі нязначна. Вынікі праведзеных Камітэтам дзяржкантролю і Міністэрствам антыманапольнага рэгулявання і гандлю мерапрыемстваў сведчаць аб недастатковасці кантролю з боку кіраўніцтва, а ў асобных рэгіёнах і па безгаспадарчасці», — адзначыў прэм’ер-міністр.
«Разам з тым сістэма спажыўкааперацыі ў краіне запатрабаваная і кожнае рашэнне па закрыцці, перапрафіляванні аб’екта выклікае адпаведныя эмоцыі з боку людзей, якія прывыклі абслугоўвацца ў гэтых аб’ектах. Бо яны выконваюць не толькі прамую задачу задавальнення спажывецкага попыту. Па сутнасці, у многіх сельскіх населеных пунктах гэта месца камунікацыі мясцовага насельніцтва. Так склалася. Варта адзначыць, што спажыўкааперацыя імкнецца захаваць свае пазіцыі і арганізаваць працу для дасягнення мэтаў, якія стаяць перад ёй. Але намаганняў недастаткова, неабходная выразная, вывераная сістэма дзеянняў і эканамічная мадэль функцыянавання сістэмы, якая магла б забяспечыць бясстратную працу і пабудову эфектыўнай бізнес-мадэлі ў бягучых умовах», — распавёў кіраўнік урада.
«Праўленнем грамадства зацверджана праграма развіцця спажыўкааперацыі на 2024-2025 гады. Прапаную ў ходзе абмеркавання сканцэнтравацца на мерах павышэння эфектыўнасці функцыянавання Белкаапсаюза, вырашэнню сістэмных праблем, а таксама дастатковасці мер, якія прадугледжаны зацверджанай праграмай», — канстатаваў Раман Галоўчанка.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
