Сёлета міжнародная асветніцкая ініцыятыва Дзяржкарпарцыі «Расатам» — праект Global Atomic Quiz 2023 — адбудзецца ў чацвёрты раз і, як звычайна, пройдзе 10 лістапада ў Сусветны дзень навукі. Гэтым разам паўдзельнічаць у віктарыне можна як анлайн на сайце quiz.atomforyou.com, так і вочна па ўсім свеце ад Беларусі да Бразіліі. Арганізатары таксама зрабілі даступнымі магчымасць адказваць на 13 мовах (летась было 11) — да мінулагодніх рускай, англійскай, турэцкай, іспанскай, партугальскай, венгерскай, бенгальскай, в’етнамскай, узбекскай, казахскай і армянскай моў дадаліся арабская і афрыкаансе. Больш за тое, удзельнікі змогуць не толькі атрымаць новыя веды пра мірны атам і выйграць унікальныя прызы, але і паспаборнічаць са штучным інтэлектам.
Што агульнага паміж чалавечым сэрцам і АЭС? Чым падобныя вогнішча і атамны рэактар? На чым можна дабрацца да Паўночнага полюса? Як саграецца ноччу марсаход? Гэтыя і іншыя пытанні самі па сабе цікавыя, а адказы на іх — і пагатоў, тым больш што некаторыя з іх для віктарыны прыдумала нейрасетка. Так што сёлетніх удзельнікаў чакаюць яшчэ больш захапляльныя і нестандартныя заданні з глыбокім пагружэннем у свет атамнай навукі і тэхналогій.
Для ўдзелу ў міжнароднай ініцыятыве трэба зарэгістравацца на сайце праекта quiz.atomforyou.com і цягам 24 гадзін 10 лістапада адказаць на 20 пытанняў рознай ступені складанасці і тэматыкі. Па колькасці правільных адказаў і хуткасці праходжання віктарыны будзе сфарміраваны рэйтынг 100 найлепшых, якія пакажуць самыя выдатныя вынікі. Пераможцы атрымаюць набор унікальных падарункаў: арыгінальны світшот са зменнымі «атамнымі» сцікерамі і торбу-шопер з «атамным» прынтам. Спіс найлепшых будзе апублікаваны на сайце праекта да 17 лістапада, расказалі ў прэс-службе ўстановы «Русатам — Міжнародная сетка»:
— Global Atomic Quiz — не проста навукова-папулярная віктарына, а сапраўды глабальны асветніцкі праект, які расказвае пра асновы ядзернай фізікі, падкрэслівае важнасць атамных тэхналогій у штодзённым жыцці і ролю атамнай энергіі ў захаванні нашай планеты. З 2020-га праект прыцягнуў да ўдзелу звыш 30 тысяч удзельнікаў з больш як 70 краін.
У 2023-м праект стаў лаўрэатам IX Усерасійскай прэміі «За вернасць навуцы» у намінацыі «Навука — свету».
Ірына СІДАРОК
Прэв’ю: pexels.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
