У Кітаі ўзраслі продажы аўтамабіляў

Па выніках верасня продажы аўтамабіляў у Кітаі ўзраслі на 9,5 працэнта ў гадавым вылічэнні, наблізіўшыся да 2,86 мільёна машын. Аб гэтым паведамілі ў Асацыяцыяі аўтамабілебудаўнічай прамысловасці Кітая, перадае «Жэньмінь жыбаа» анлайн».

Як заявіў намеснік генеральнага сакратара арганізацыі Чэнь Шыхуа, па выніках трэцяга квартала гэтага года вытворчасць і продаж аўтамабіляў у краіне пераўзышлі чаканні. Рост продажаў на аўтарынку быў абумоўлены мерамі, накіраванымі на стымуляванне спажывання. За дзевяць месяцаў вытворчасць і продажы аўтамабіляў узраслі адпаведна на 7,3 і 8,2 працэнта ў гадавым вылічэнні, адзначыў Чэнь Шыхуа.

За першыя тры квартала вытворчасць і продажы аўтамабіляў на новых крыніцах энергіі павялічыліся на 33,7 і 37,5 працэнта адпаведна.

Па выніках верасня ў Кітаі рэзка ўзраслі продажы транспартных сродкаў на новых крыніцах энергіі (NEV), сведчаць дадзеныя Кітайскай асацыяцыі аўтавытворцаў. Згодна з інфармацыяй арганізацыі, у мінулым месяцы аб’ём вытворчасці электрамабіляў у Кітаі дасягнуў 746 тысяч адзінак, павялічыўшыся на 22,1 працэнта ў гадавым вылічэнні.

За дзевяць месяцаў бягучага года рознічныя продажы гэтага віду транспарту склалі 5,19 мільёна адзінак, павялічыўшыся на 33,8 працэнта ў гадавым вылічэні, а продажы па аптовых каналах дасягнулі 829 тысяч адзінак з ростам на 23 працэнтаў.

У асацыяцыі адзначаюць, што за перыяд са студзеня па верасень аб’ём кітайскага экспарту NEV узрос на 107 працэнтаў у гадавым вылічэнні да 91 тысячы адзінак, што склала 25,4 працэнта ад агульнага аб’ёму экспарту легкавых аўтамабіляў краіны.

Асацыяцыя па-ранейшаму аптымістычна ацэньвае перспектывы экспарту NEV. Усё больш і больш кітайскіх транспартных сродкаў на новых крыніцах энергіі выходзяць на сусветны рынак, заваёўваючы ўсё большае прызнанне за мяжой.