Кітайскі фатограф Чжан Фань імкнецца паказваць дзівосны падводны свет праз арыгінальныя кадры насельнікаў акіянскіх глыбінь, перадае «Жэньмінь жыбаа» анлайн».
Чжан Фань з дзяцінства жыў на востраве Хайнань (Паўднёвы Кітай) і любіў збіраць на беразе мора ракавіны. Асабліва яго захапляла разнастайнасць рыб, якія жывуць у моры. Альбом падводных фатаграфій, з якім выпадкова пазнаёміўся Чжан Фан, абудзіў яго цікавасць да гэтай справы. Падчас вучобы ва ўніверсітэце ён сабраў шмат альбомаў аб марскіх насельніках і падводнай фатаграфіі.
У 2010 годзе Чжан Фань вырашыў стаць падводным фатографам. У 2016-м ён пачаў спецыялізавацца на начной падводнай фотаздымцы. Фатограф распавёў, што яго задача ў асноўным заключаецца ў тым, каб ноччу з дапамогай святла прыцягнуць і захаваць на фота насельнікаў цёмнага акіяна. Для яго найбольшае зачараванне — у даследаванні невядомага.
За гэтыя гады Чжан Фань здымаў падводных насельнікаў на Філіпінах, у ЗША, Японіі і іншых краінах, імкнучыся праз аб’ектыў адлюстраваць прыгажосць падводнага свету. Ён таксама плануе правесці начную падводную здымку ў халодных і ўмераных кліматычных паясах.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.