Сферу адукацыі неабходна адаптаваць да сучасных рэалій і выводзіць на новы ўзровень. Пра гэта заявіў прэм’ер-міністр Беларусі Раман Галоўчанка на ўрачыстым сходзе да Дня настаўніка ў Палацы Рэспублікі, перадае БелТА.
«Вельмі прыемна павіншаваць з Днём настаўніка ад сябе асабіста і ад імя ўрада нашай краіны. Сфера адукацыі заўсёды была, ёсць і будзе прыярытэтам дзяржаўнай палітыкі і заўсёды знаходзіцца ў фокусе ўвагі кіраўніцтва краіны. Нядаўна на вялікай нарадзе ў кіраўніка дзяржавы грунтоўна разглядаўся шырокі спектр пытанняў удасканалення адукацыйнай сферы — ад рамонту ўстаноў адукацыі і пытанняў харчавання да якасці падручнікаў і падрыхтоўкі будучых спецыялістаў. Наша з вамі задача — захоўваць і развіваць увесь назапашаны гадамі станоўчы вопыт у сістэме адукацыі. Але неабходна выйсці з нейкіх шаблонаў, трэба адаптаваць сферу адукацыі да сучасных рэалій, выводзіць на якасна новы ўзровень», — сказаў Раман Галоўчанка.
Ён таксама зачытаў віншавальны адрас кіраўніка дзяржавы да Дня настаўніка.
Прэм’ер-міністр сёння аб’явіў настаўніка года Беларусі. Ім стаў настаўнік выяўленчага мастацтва Доўскай сярэдняй школы Рагачоўскага раёна Сяргей Шамінскі.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.