Галоўчанка азнаёміўся з новай тэхнікай БЕЛАЗа

Прэм’ер-міністр Беларусі Раман Галоўчанка наведаў Беларускі аўтамабільны завод і азнаёміўся з новай тэхнікай БЕЛАЗа, паведамляе БелТА.

Прэзентацыя новай тэхнікі БЕЛАЗа адбылася ў гонар святкавання 75-годдзя прадпрыемства.

Сёння быў прэзентаваны прататып абсалютна новага самазвала БЕЛАЗ — 130-тонніка на вадародным паліве.

«Гэты кірунак, у якім мы працуем на будучыню. Вадародны самазвал ужо прадставіла інжынірынгавая кампанія ў ПАР. Але мы — першая ў свеце кампанія-вытворца кар’ернай тэхнікі, якая прадстаўляе такую распрацоўку, ніхто з іншых вытворцаў такога яшчэ не рабіў. Гэта макетны ўзор, каб зразумець, як гэта працуе, якую мы ад гэтага атрымаем прыбытак, эканомію для спажыўца. Перавагі для экалогіі ўжо відавочныя. У далейшым можам зрабіць лінейку ад 90 т да 450 т, якая будзе выкарыстоўваць вадарод. Ужо ёсць дамоўленасць аб стварэнні некалькіх самазвалаў для працы ў кар’еры менавіта на гэтым відзе паліва», — сказаў генеральны канструктар прадпрыемства Аляксандр Наскавец.

Таксама быў прадстаўлены 200-тонны гідраўлічны экскаватар на гусенічным хаду BELAZ BX20012. Ён абсталяваны 12-кубовым каўшом тыпу «прамая рыдлёўка» і прызначаны для працы ў пары з самазваламі 90 т і 130 т. Рэалізацыя гэтага інавацыйнага праекта з’яўляецца яшчэ адным крокам на шляху да фарміравання імпартанезалежнасці горнай галіны ва ўмовах знешніх абмежаванняў.

Акрамя таго, на палігоне прадэманстравалі 130-тонны БЕЛАЗ-7513d, які стаў самай прадаваемай мадэллю ў мінулым годзе на рынку РФ.

Прэм’ер-міністр таксама наведаў тэрмаэлектрычны цэх і цэх галоўнага канвеера Беларускага аўтамабільнага завода.

Прэв’ю: БелТА