Прэзідэнт Беларусі Аляксандр Лукашэнка ў Салігорску правёў сустрэчу з генеральным дырэктарам «Беларуськалія» Іванам Галаватым, абмеркаваўшы з ім сітуацыю на прадпрыемстве, паведамляе БелТА.
«Кажуць журналісты, краіна цябе даўно не бачыла. Я хачу, каб ты мне далажыў па сітуацыі на прадпрыемстве. Удваіх, шчыра, не баючыся, хоць ты чалавек не палахлівы, але тым не менш», — сказаў Аляксандр Лукашэнка.
У першую чаргу кіраўнік дзяржавы спытаў, з якімі праблемамі цяпер сутыкаецца «Беларуськалій» і як ідзе праца па асваенні партовых магутнасцяў у Расіі. «Як мы там разварочваемся? Што нам трэба яшчэ зрабіць? — пацікавіўся прэзідэнт. — А галоўнае пытанне — як ты сябе адчуваеш пры гэтым жудасным санкцыйным ціску, які абрушыўся на прадпрыемства?»
Як далажыў Іван Галаваты, сёння магутнасці прадпрыемства загружаныя на 80%. Гэта, па яго словах, значна вышэй нават у параўнанні з пачаткам года. «Ваша даручэнне па вытворчасці і рэалізацыі на экспарт не менш за 8 мільёнаў тон будзе выканана. Гэта ўжо праглядаецца па выніках 9 месяцаў», — заявіў кіраўнік «Беларуськалія».
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
