Намеснік старшыні Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі пракаментавала выступленне польскага лідара Анджэя Дуды на брыфінгу ў Нью-Ёрку, дзе ён параўнаў Украіну з тапельцам, ратуючы якога можна патануць самому. Гэтае выказванне, па меркаванні дэпутата, красамоўна сведчыць, што ў заходніх раскладах падтрымка мае межы — падтрымаем, калі «будзем ад гэтага нешта мець».
«Польска-венгерска-славацкая забарона імпарту ўкраінскага збожжа — толькі вярхушка расколу ў «высакародным сямействе», — адзначыла Лілія Ананіч. — Аднак з тупіку глабалісцкай палітыкі ніякім контрнаступам не выбрацца. Наўрад ці выпадкова час і месца практыкаванняў у славеснасці спадара Дуды — бліжэй да заакіянскіх вушэй, якія тырчаць з шматпавярховікаў. Намёк на адказнасць лялькаводаў за катастрофу і адначасова намёк на новую порцыю уліванняў у «прыпражных»?
«Прыпражныя», па словах парламентарыя, практыкуючыся ў санкцыйнай палітыцы і заграбаючы запал за патронам, вядома, ладна патраціліся. «Ды і прытаміліся, змяніўшы сыты парадак дня на „калі заўтра ў паход“, — удакладніла яна. — Нарастанне незадаволенасці еўрапейцаў так ці інакш падштурхне да разборак у „высакародным сямействе“. І не толькі па збожжы».
Як звяртае ўвагу Лілія Ананіч, самы час нагадаць заўзятым суседзям, якія абіваюць парогі заакіянскіх прыёмных, народны варыянт вядомай прыказкі — «выратаванне тапельцаў — справа рук саміх тапельцаў». «Так што грабіце, больш бойка, суседзі, ды па баках агледзіцеся — ці да таго маяка плывяце, — параіла дэпутат. — А каб не адгрэбці па поўнай, на Беларусь паглядзіце — жыве краіна, нічога ні ў кога не клянчыць і да міру вас заклікае».
Запісала Вераніка КАНЮТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
