Сянганскі акцёр Тоні Люн Чу Вай (Лян Чаавэй) удастоены прэміі 80-га Венецыянскага кінафестывалю за ўклад у сусветны кінематограф. Ён стаў першым кітайскім акцёрам, які атрымаў «Залатога льва», перадае «Жэньмінь жыбаа» анлайн».
Акцёр атрымаў узнагароду з рук знакамітага рэжысёра Энга Лі, з якім разам працаваў. Безумоўным упрыгожваннем фільмаграфіі Тоні Люна сталі карціны, знятыя культавым рэжысёрам Вонгам Карваем. Прадстаўнік ганконгскай «новай хвалі» пісаў свае кінашэдэўры святлом — з яго дапамогай ён ствараў атмасферу прасторы і перадаваў пачуцці і эмоцыі герояў. Вынікам плённага супрацоўніцтва сталі 7 фільмаў (сярод якіх «Чунгкінгскі экспрэс», «Любоўны настрой», «2046», «Вялікі майстар»), якія зрабілі Чу Вая адной з галоўных зорак ганконскага кіно дзевяностых і нулявых. Шэраг з іх здымаў аператар Крыстафер Дойл, які дадаў у карціны характэрны і вядомы почырк — рэзкую змену кадраў, хуткі рух камеры і сакавітую палітру фарбаў.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
