Беларусь і Узбекістан за пяць гадоў нарасцілі тавараабарот практычна ў тры разы. Пра гэта заявіў прэм’ер-міністр Беларусі Раман Галоўчанка падчас сустрэчы са старшынёй Сената Олій Мажліса Узбекістана Танзілай Нарбаевай, перадае БелТА.
«Для нас Узбекістан — ключавы партнёр у Цэнтральнай Азіі. Мы вельмі рады таму, што ўсталяваліся вельмі цёплыя адносіны на ўсіх узроўнях — на ўзроўні кіраўнікоў дзяржаў, урадаў, на міжпарламенцкім узроўні. Зараз вельмі добры момант, каб кінуць погляд у мінулае і намеціць планы на будучыню ў святле таго, што мы адзначаем 30-годдзе дыпламатычных адносін сёлета. Нашы двухбаковыя адносіны перажываюць перыяд своеасаблівага росквіту. Пра гэта сведчаць і вельмі плённы палітычны дыялог, і ўзаемная падтрымка на міжнароднай арэне, што вельмі важна ў бягучых умовах, а таксама ўзаемны гандаль і ў цэлым гандлёва-эканамічнае супрацоўніцтва. За пяць гадоў мы нарасцілі тавараабарот практычна ў тры разы. Гэта вельмі сур’ёзны паказчык. І бягучы год не выключэнне — мы практычна на 50% дадалі», — сказаў Раман Галоўчанка.
Ён адзначыў, што Беларусь цалкам кампенсавала страты ад санкцый за кошт нарошчвання супрацоўніцтва з дружалюбнымі краінамі. «І Узбекістан у гэтым шэрагу займае годнае месца. Мы дзякуем за ўзважаны і канструктыўны партнёрскі падыход», — дадаў прэм’ер-міністр.
Таксама Раман Галоўчанка адзначыў значнасць для развіцця двухбаковых адносін першага беларуска-ўзбекскага жаночага бізнес-форуму, які зараз праходзіць у Мінску.
«Мы вельмі рады, што цяпер развіваецца супрацоўніцтва ў парламенцкім вымярэнні, гэта вельмі важна», — падкрэсліў кіраўнік беларускага ўрада.
Танзіла Нарбаева таксама адзначыла, што адносіны Беларусі і Узбекістана актывізаваліся, і гэтаму задаюць тон кіраўнікі дзяржаў. «Важна забяспечваць прававую аснову для рэалізацыі дамоўленасцяў, дасягнутых на вышэйшым узроўні, таму парламенцкае вымярэнне так важна. Трэба гарманізаваць нашы заканадаўства, забяспечваць парламенцкі кантроль за рэалізацыяй дамоўленасцяў. Немалаважнае для нас і рэгіянальнае супрацоўніцтва, сацыяльны напрамак. У прыярытэце эканоміка, ёсць патэнцыял для павелічэння тавараабароту», — зрабіла акцэнт яна.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.