У Кітаі здзейснена 406 мільёнаў паездак на чыгунцы

У Кітаі ў ліпені аб’ём пасажырапатоку на чыгуначным транспарце 406 мільёнаў чалавек. Аб гэтым сведчаць звесткі, апублікаваныя Кітайскай дзяржаўнай чыгуначнай карпарацыяй, перадае «Жэньмінь жыбаа» анлайн».

Паводле дадзеных карпарацыі, за гэты час сярэднесутачная колькасць пасажырскіх паездак па чыгунцы склала 13,1 млн. Пры гэтым штодня курсіравала 10.169 пасажырскіх цягнікоў, што на 14,2 працэнта больш, чым за аналагічны перыяд 2019 года.

У мэтах павышэння якасці абслугоўвання пасажыраў у пікавы летні сезон чыгуначныя аддзяленні на месцах аптымізавалі планы работы на аснове вялікіх дадзеных. На вакзалах буйных гарадоў краіны, такіх як Гуанчжоў, Шэньчжэнь і Чанша, быў павялічаны штат супрацоўнікаў на розных этапах праверкі, у тым ліку кантроль бяспекі, каб паскорыць працэс праходжання пасажыраў у залы чакання і павысіць эфектыўнасць работы, паведамілі ў карпарацыі.

Пікавы сезон летніх паездак звычайна напружаны перыяд для чыгуначнай сістэмы Кітая, калі студэнты вышэйшых навучальных устаноў вяртаюцца дадому на перыяд канікулаў і адначасова рэзка ўзрастае попыт на транспартныя паслугі з-за турыстычных паездак і паездак па сямейных абставінах. Сёлета пікавы летні сезон працягнецца 62 дні, а менавіта з пачатку ліпеня да канца жніўня.