Мерапрыемства ладзіцца абласным упраўленнем спорту і турызму і абласным аб’яднаннем прафсаюзаў. Удзельнікамі заплыва стануць прадстаўнікі ўсіх раёнаў вобласці — каманды гор- і райвыканкамаў, прадпрыемстваў, грамадскіх арганізацый, а таксама жыхары рэгіёна.
Галоўная ўмова такіх спаборніцтваў — наяўнасць незвычайнага плаўсродка, які зроблены сваімі рукамі, без прамысловага ўдзелу. Прычым сродак не можа быць лодкай, у той час павінен добра трымацца на вадзе і адпавядаць усім правілам бяспекі. Звычайна «фундаментам» такіх сродкаў становяцца бочкі, шыны, балоны.
Сёлета ў заплыва ёсць і свая тэма — «Мір і стваральная праца».
Сярод заяўленых плаўсродкаў — «Белыя Росы», «Саламея», «Яднальны вянок Купалінкі», «Зямля пад белымі крыламі» і многія іншыя. Асновай некаторых назваў стала творчасць беларускіх класікаў літаратары і кіно, традыцыі і абрады беларускай культуры.
Відовішча ладзіцца не першы год, але з-за пандэміі свята некалькі год не праводзілася. І вось нарэшце доўгачаканая падзея адбудзецца. Пычым з яшчэ большым размахам. Гэта адно з тых мерапрыемстваў, якое хочацца ўбачыць дзеля ўласных эмоцый. І такіх аматараў у мінулыя разы збіралася да некалькіх тысяч. З леташніх заплываў можна згадаць вялікі плывучы торт, Эйфелеву вежу, пірацкі карабель, плывучы аўтамабіль газавай службы з фейерверкам, вялікі МАЗ, сюррэалістычныя інсталяцыі на чале з Сальвадорам Далі і многія іншыя цікавыя аб’екты.
Мяркуецца, што ў незвычайных спаборніцтвах сёлета прымуць удзел каля 30 каманд вобласці. Пераможцы будуць выяўлены ў розных намінацыях — самае арыгінальнае тэхнічнае рашэнне, лепшае афармленне плаўсродка, лепшая прэзентацыя каманды, самая арыгінальная назва каманды, лепшае музычнае суправаджэнне. Лепшая каманда атрымае Гран-пры фестываля. Узнагароды падрыхтаваны Гродзенскім райвыканкамам і грамадскімі арганізацыямі.
—Спаборніцтва заплыва, на чым папала, карыстаецца вялікім поспехам сярод наведвальнікаў «Свята мора». Гэта, можна сказаць, галоўная фішка ўсяго фестываля. Сёлета тэматыка заплыва прадыктавана Годам міра і стваральнай працы і праводзіцца ў рамках важнай для рэспублікі падзеі — ІІ Гульняў краін СНГ. Дарэчы, дэлегацыі ўдзельнікаў гульняў, што праходяць у Гродне, таксама запрошаны на свята на Аўгустоўскім канале і змогуць назіраць за гэтым унікальным відовішчам, — паведаміў старшыня Гродзенскага абласнога аб’яднання прафсаюзаў, член Савета Рэспублікі Нацыянальнага схода Беларусі Віктар Лісковіч.
Таксама ў праграме свята адбудзецца спаборніцтва па балотнаму футболу, удзел у якім прымаюць і жаночыя каманды. Увогуле праграма абяцае быць даволі насычанай, а яе заключным акордам стане феерычная пенная вечарына.
Маргарыта УШКЕВІЧ
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.