Для праходжання цэнтралізаванага тэсціравання ў рэзервовыя дні зарэгістраваліся 569 абітурыентаў, паведаміў БелТА дырэктар Рэспубліканскага інстытута кантролю ведаў Юрый Міксюк.
«Завяршылася рэгістрацыя для праходжання цэнтралізаванага тэсціравання ў рэзервовыя дні. На гэты этап ЦТ зарэгістраваліся 569 абітурыентаў», — сказаў Юрый Міксюк.
Рэзервовымі днямі правядзення цэнтралізаванага тэсціравання ў гэтым годзе вызначаны 11 і 13 ліпеня — ЦТ па беларускай і рускай мовах, а таксама 11 і 15 ліпеня — па астатніх прадметах. Час пачатку выпрабаванняў у рэзервовыя дні — 11.00. Пройдуць выпрабаванні ў шасці ВНУ краіны: Беларускім дзяржаўным універсітэце, Беларуска-Расійскім універсітэце, Брэсцкім дзяржаўным тэхнічным універсітэце, Віцебскім дзяржаўным тэхналагічным універсітэце, Гомельскім дзяржаўным тэхнічным універсітэце імя П.А. Сухога і Гродзенскім дзяржаўным універсітэце імя Янкі Купалы.
Прэв’ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
