Прадстаўнікі 50 афрыканскіх краін і васьмі міжнародных арганізацый зарэгістраваліся для ўдзелу ў трэцім Гандлёва-эканамічным ЭКСПА Кітай—Афрыка, якое праходзіць з 29 чэрвеня па 2 ліпеня ў горадзе Чанша, адміністрацыйны цэнтр правінцыі Хунань (Цэнтральны Кітай), перадае «Жэньмінь жыбаа» анлайн».
У рамках ЭКСПА, якое праходзіць пад дэвізам «Сумеснае развіццё дзеля агульнай будучыні», запланавана больш за 40 розных мерапрыемстваў. Будуць ахоплены такія тэмы, як зялёная інфраструктура, мытня і каранцін, медыцына і ахова здароўя, сельскагаспадарчыя і харчовыя тавары, індустрыяльныя паркі і прафесійная адукацыя, паведамілі арганізатары. У якасці ганаровых гасцей у мерапрыемстве бяруць удзел Бенін, Дэмакратычная Рэспубліка Конга, Мадагаскар, Малаві, Марока, Мазамбік, Нігерыя і Замбія. У ходзе ЭКСПА ўпершыню будзе апублікаваны індэкс гандлю паміж Кітаем і Афрыкай, які паслужыць «барометрам» для рыначных суб’ектаў, якія ажыццяўляюць гандлёва-эканамічнае супрацоўніцтва з Афрыкай.
Гандлёва-эканамічнае ЭКСПА Кітай-Афрыка, якое праходзіць з 2019 года, стала важнай платформай для ўмацавання гандлёва-эканамічнага ўзаемадзеяння паміж КНР і афрыканскімі краінамі.
У дзвюх ЭКСПА, якія праходзілі ў 2019-м і 2021-м гадах, узялі ўдзел больш за тысячу кітайскіх і афрыканскіх прадпрыемстваў, бізнэс-асацыяцый і фінансавых устаноў, падпісана 216 праектаў супрацоўніцтва і пагадненняў.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.