Прынамсі 31 чалавек загінуў і сямёра атрымалі раненні ў выніку выбуху газу ў рэстаране-барбекю на ажыўленай вуліцы ў раёне Сініцын горада Іньчуань, адміністрацыйнага цэнтра Нінся-Хуэйского аўтаномнага раёна на паўночным захадзе Кітая.
Як паведамляецца, трагедыя здарылася ўчора ў 20.40 па мясцовым часе (15.40 па мінскім). Па паведамленні агенцтва «Сіньхуа», за гадзіну да выбуху супрацоўнікі заўважылі пах газу і выявілі, што клапан балона зламаны, пры яго замене і адбыўся выбух.
Старшыня КНР Сі Цзіньпін заклікаў да неадкладнага расследавання трагічнага здарэння і пакарання вінаватых. Ён распарадзіўся ўзмацніць кантроль на ключавых аб’ектах, эфектыўна прадухіляць узнікненне аварый на вытворчасцях. Як перадае Цэнтральнае тэлебачанне Кітая, у рамках расследавання надзвычайнага здарэння праваахоўныя органы ўжо затрымалі 9 чалавек, уключаючы ўладальніка ўстановы, дзе адбыўся інцыдэнт, а таксама яго кампаньёна і некалькіх супрацоўнікаў.
Мікалай ЛІТВІНАЎ
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
