У Беларусі захавалася ўнікальная сістэма анкалагічнай службы. Пра гэта на тэлеканале АНТ расказаў намеснік дырэктара па навуковай рабоце рэспубліканскага навукова-практычнага цэнтра анкалогіі і медыцынскай радыялогіі імя М. М. Аляксандрава Сяргей Красны.
Сяргей Красны патлумачыў, чаму перад цэнтрам устаноўлена скульптура з выявай адразу трох медыкаў. «Гэта асаблівасць анкалогіі, якая мае тры асноўныя метады лячэння. Гэта хірургія, прамянёвая тэрапія і хіміётэрапія, або лекавае лячэнне. Гэтая скульптура сімвалізуе, што ў анкалогіі адзін доктар не павінен прымаць рашэнне. Усе рашэнні павінны прымацца калегіяльна, каб для кожнага пацыента выпрацаваць адпаведны план лячэння», — распавёў ён.
Эксперт адзначыў: нават калі спецыялістам цэнтра не ўдаецца цалкам вылечыць чалавека, яму можна падоўжыць жыццё на доўгія гады. «У Беларусі захавалася ўнікальная сістэма анкалагічнай службы. У многіх краінах яна была разбурана, у іншых яе не было наогул, а лячэнне анкалагічных пацыентаў праходзіла ў агульналячэбнай сеткі. Але вынікі лячэння ў анкалагічных цэнтрах на парадак вышэй, чым у агульналячэбнай сеткі. Дарэчы, анколагі па-іншаму падыходзяць да самога працэсу лячэння. У нас ёсць усё неабходнае як для дыягностыкі, так і для лячэння на самым высокім сусветным узроўні», — запэўніў Сяргей Красны.
Прэв’ю: скрыншот АНТ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».