Пагадненне аб стварэнні кансорцыума інстытутаў развіцця Еўразійскага эканамічнага саюза падпісана на палях Еўразійскага міжурадавага савета 8 чэрвеня ў Сочы, паведамілі БелТА ў прэс-службе Еўразійскай эканамічнай камісіі.
«Кансорцыум інстытутаў развіцця створаны без утварэння юрыдычнай асобы з мэтай аб’яднання намаганняў па развіцці еўразійскай эканамічнай інтэграцыі, садзейнічанні эканамічнаму росту дзяржаў Еўразіі і павышэнні інвестыцыйнай актыўнасці ў рэгіёнах», — адзначылі ў ЕЭК.
На гэты момант у кансорцыум увайшлі Цэнтр стратэгічнага развіцця Арменіі, Нацыянальны інстытут стратэгічных даследаванняў пры прэзідэнце Кыргызстана і расійскае Агенцтва стратэгічных ініцыятыў па развіцці новых праектаў. Паводле даных ЕЭК, аб сваёй зацікаўленасці ў супрацоўніцтве з кансорцыумам таксама заявілі інстытуты развіцця Беларусі, Узбекістана і Таджыкістана.
«Сумесная работа інстытутаў развіцця ЕАЭС у фармаце кансорцыума дасць магчымасць ім абменьвацца лепшымі напрацоўкамі і фарміраваць агульныя метадалагічныя прынцыпы інвестыцыйнай дзейнасці ў рэгіёнах. Упэўнены, што дзякуючы рабоце кансорцыума ў рэгіёнах ЕАЭС палепшыцца інвестыцыйны клімат, будуць актыўней развівацца кааперацыйныя сувязі, што ў канчатковым выніку станоўча паўплывае на развіццё эканомікі і сацыяльнай сферы ў краінах саюза», — сказаў член Калегіі (міністр) па інтэграцыі і макраэканоміцы ЕЭК Сяргей Глазьеў.
Пытанне стварэння інстытута развіцця ў ЕАЭС было ініцыявана Кыргызстанам у 2018 годзе і канцэптуальна адлюстравана ў Дэкларацыі аб далейшым развіцці інтэграцыйных працэсаў у рамках Еўразійскага эканамічнага саюза (прынята на пасяджэнні Вышэйшага Еўразійскага эканамічнага савета 6 снежня 2018 года) і стратэгічных напрамках развіцця еўразійскай эканамічнай інтэграцыі да 2025 года.
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
