Турцыя з 1 ліпеня павялічыць зборы за праходжанне суднаў праз пралівы Басфор і Дарданэлы

Турцыя з 1 ліпеня павялічвае зборы на 8,3% за праходжанне гандлёвых суднаў праз пралівы Басфор і Дарданэлы, і мыта складзе $4,42 за тону. Пра гэта піша ТАСС, спасылаючыся на турэцкую газету Aydinlik.

Чакаецца, што даход, атрыманы ад перасячэння праліваў, сёлета дасягне $900 млн.

Сума збораў разлічваецца на аснове залатога франка, які прыраўнялі да $0,8 з часу падпісання ў 1936 годзе Канвенцыі Монтре, яна рэгулюе суднаходства ў зоне праліваў. Акрамя таго, урад Турцыі прыняў рашэнне, што залаты франк з гэтага часу не будзе фіксаваным і будзе абнаўляцца Міністэрствам транспарту і інфраструктуры ў канцы чэрвеня кожнага года па стане на 1 ліпеня.

У кастрычніку 2022 года турэцкія ўлады ўжо павялічылі кошт збораў за праход гандлёвых судоў праз пралівы ў пяць разоў — з $0,8 да $4,08.

Прэв’ю: unsplash.com