Павет Сюйвэнь у правінцыі Гуандун Паўднёвага Кітая, вядомы як «першы кітайскі павет па вытворчасці ананасаў», мае больш за 100-гадовую гісторыю вырошчвання гэтай садавіны, перадае «Жэньмінь жыбаа» анлайн».
Агульная плошча ананасавых плантацый у павеце дасягае 350 тысяч му (звыш 23 тысяч гектараў), гадавы аб’ём вытворчасці перавышае 700 тысяч тон. На Сюйвэнь прыпадае траціна ўсяго аб’ёму вытворчасці ананасаў у КНР.
Як паведаміла кіраўнік Упраўлення сельскай гаспадаркі і сельскіх спраў павета Сюйвэнь Хэ Цыяна, сёлета тут чакаецца ўраджай ананасаў у 796 тысяч тон, на рынак ужо пастаўлена звыш 380 тон.
У апошнія гады ананасы з Сюйвэня карыстаюцца вялікім попытам на рынку. Сярэдняя закупачная цана на гэтую садавіну складае тры юаня за кілаграм, што дапамагае павялічыць даходы месцічаў.
Зараз у Сюйвэне 31 прадпрыемства, якое займаецца вытворчасцю свежазрэзаных і кансерваваных ананасаў, ананасавага соку, сушаных ананасаў, ананасавых дэсертаў і іншых прадуктаў з гэтай садавіны.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
