Міністр замежных спраў Рэспублікі Беларусь Сяргей Алейнік 11-12 красавіка наведаў Венгрыю для ўдзелу ў рабоце 11-га пасяджэння міжурадавай беларуска-венгерскай камісіі па эканамічным супрацоўніцтве. Сустаршынёй камісіі з венгерскага боку з’яўляецца міністр замежных спраў і знешняга гандлю Петэр Сіярта, паведамілі ў беларускім МЗС.
На пасяджэнні разгледжаны актуальныя пытанні практычнага ўзаемадзеяння ў эканамічнай і інвестыцыйнай сферах. Асноўны акцэнт быў зроблены на перспектывах супрацоўніцтва ў галіне сельскай гаспадаркі, прамысловасці, энергетыкі, кіравання воднымі рэсурсамі. Абмеркаваны пытанні навукова-даследчай дзейнасці і адукацыі.
Сустаршыні камісіі Сяргей Алейнік і Петэр Сіярта падкрэслілі неабходнасць пошуку шляхоў больш поўнай рэалізацыі патэнцыялу беларуска-венгерскага супрацоўніцтва. Міністры адзначылі гатоўнасць працягваць работу па развіцці эканамічных адносін, у тым ліку ў самых перадавых і тэхналагічных сферах. Падкрэслены ўзаемны інтарэс да прагматычнага і адкрытага дыялогу, выбудоўвання трывалых сувязяў на галіновым і экспертным узроўнях.
Удзельнікі камісіі прааналізавалі канкрэтныя эканамічныя і інвестыцыйныя праекты, намецілі шляхі іх рэалізацыі. Па выніках пасяджэння падпісаны пратакол, які вызначае напрамкі галіновага ўзаемадзеяння на бліжэйшы год. Акрамя таго, заключаны мемарандум аб супрацоўніцтве ў сферы ядзернай энергетыкі.
У рамках двухбаковых перагавораў кіраўнікоў знешнепалітычных ведамстваў Беларусі і Венгрыі абмеркаваны шырокі спектр пытанняў двухбаковага парадку дня з акцэнтам на гандлёва-эканамічнае ўзаемадзеянне. Міністры дамовіліся аб прыярытэтных напрамках развіцця двухбаковых адносін на бліжэйшую перспектыву. Яны таксама ўзгаднілі ход рэалізацыі мерапрыемстваў у рамках міжмідаўскай праграмы супрацоўніцтва на 2023 год, падпісанай раней у Мінску. Акрамя таго, абмеркавана сітуацыя на сусветнай арэне, а таксама ў еўрапейскім і еўразійскім рэгіёнах.
Сумесна з венгерскім калегам Сяргей Алейнік прыняў удзел у адкрыцці дзелавога форуму, які праходзіць на палях пасяджэння міжурадавай камісіі. На форуме прадстаўлены звыш 70 прадпрыемстваў розных сектараў эканомікі і бізнес-структур з Беларусі і Венгрыі.
У ходзе візіту адбылася таксама сустрэча кіраўніка знешнепалітычнага ведамства Беларусі з міністрам сельскай гаспадаркі Венгрыі Іштванам Надем. Бакі абмеркавалі супрацоўніцтва ў аграрнай сферы, падкрэслілі важнасць стварэння і дзейнасць галіновай рабочай групы.
Беларуская дэлегацыя наведала гандлёва-сэрвісны цэнтр ААТ «Беларус трактар» у г.Хорт і сустрэлася з кіраўніцтвам і супрацоўнікамі прадпрыемства, былі абмеркаваны перспектывы далейшай дзейнасці. Прайшлі таксама перагаворы міністра з кіраўніцтвам шэрагу буйных венгерскіх кампаній.
Фота: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
