На паліцах беларускіх магазінаў павінна быць прадстаўлена больш айчынных тавараў у шырокім асартыменце. Пра гэта заявіў журналістам міністр антыманапольнага рэгулявання і гандлю Аляксей Багданаў, паведамляе БелТА.
«Мы актыўна працуем над тым, каб больш прадставіць беларускіх тавараў на паліцах нашых магазінаў. Адзначу, што летась нам удалося гэтага дамагчыся, мы 12-гадовы трэнд пераламалі. Над гэтымі ж пытаннямі працягваем працаваць у бягучым годзе. Вельмі важна, каб у пакупніка быў шырокі выбар, у тым ліку сярод беларускіх вытворцаў. Асноўны акцэнт хочам зрабіць менавіта на нехарчовай групе тавараў, паколькі харчовыя тавары і так вельмі шырока прадстаўлены — больш за 75%. А вось доля нехарчовых павінна ўзмоцнена расці. І тут вельмі важная праца не толькі гандлёвых арганізацый, але і нашых вытворцаў», — сказаў Аляксей Багданаў.
Па словах выканаўчага дырэктара Асацыяцыі рознічных сетак Беларусі Наталлі Шаблінскай, у планах гандлёвых сетак — нарошчваць працэнт рэалізуемых айчынных тавараў. Яна падкрэсліла, што прыярытэт беларускай прадукцыі будзе забяспечаны.
Што тычыцца імпартных тавараў, то міністр заявіў, што сёння праблем з імі няма. «Калі пэўныя тавары не пастаўляліся праз санкцыі, то мы аператыўна яшчэ летась пераарыентаваліся на дружалюбныя краіны. Сёння шырокі асартымент тавараў, які мы назіраем на паліцах, забяспечаны з альтэрнатыўных крыніц. МАРГ пастаянна адсочвае разам з ДМК абгрунтаванасць імпартных цэн, каб не было завышэння. У цэлым сітуацыя стабільная», — адзначыў ён.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
