Праліўныя дажджы выклікалі паводку ў турэцкай правінцыі Шанлыурфа. Пра гэта паведамляе ТАСС.
Губернатар Шанлыурфы Саліх Айхан абвясціў, што чатыры чалавекі загінулі ў выніку разгулу стыхіі. Акрамя таго, ёсць зніклыя без вестак.
Было затоплена аддзяленне інтэнсіўнай тэрапіі вучэбна-даследчай бальніцы Эйюбіе. Вялікая вада дабралася да многіх дамоў, прадпрыемстваў, грамадскіх устаноў, пацярпелі і аўтамабілі. Назіраліся перабоі з рухам транспарту, бо некаторыя вуліцы больш нагадвалі рэкі. Навучанне ў мясцовых школах прыпынілі на адзін дзень.
Як паведамляе ТАСС, у цэлым у выніку сходу селевых патокаў на паўднёвым усходзе Турцыі загінулі пяць чалавек, яшчэ дзевяць лічацца зніклымі без вестак. Кіраўнік МУС Турцыі Сулейман Сойлу заявіў, што ў правінцыі Адыяман з-за сходу гразевага патоку загінула паўтарагадовае дзіця.
Мясцовыя ўлады папярэдзілі, што 16 сакавіка дажджы працягнуцца.
Прэв’ю: pixabay.com
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
