Згодна з дадзенымі Міністэрства прамысловасці і інфарматызацыі КНР, дзякуючы шырокаму спажыванню і вялізнаму рыначнаму попыту ў мінулым годзе індустрыя праграмнага забеспячэння і інфармацыйных тэхналогій у Кітаі развівалася спрыяльна і стабільна. Летась яе прыбытак падскочыў да 10,8 трыльёна юаняў (на 11,2 працэнта больш у параўнанні з 2021 годам), у экспарце захаваўся рост, перадае «Жэньмінь жыбаа» анлайн».
У мінулым годзе ў індустрыі праграмнага забеспячэння і інфармацыйных тэхналогій у Кітаі налічвалася больш чым 350 тысяч буйных прадпрыемстваў. Прыбытак ад паслуг у вобласці інфармацыйных тэхналогій імкліва расце, уздым у новых метадах кіравання паказвае станоўчыя тэндэнцыі.
Летась выручка ад паслуг у галіне інфармацыйных тэхналогій перавысіла 7 трыльёнаў юаняў, што на 11 працэнтаў больш у параўнанні з 2021 годам. Выручка ад прамысловай праграмнай прадукцыі таксама імкліва расце, падтрымліваецца лічбавізацыя і трансфармацыя прамысловай вытворчасці. У мінулым годзе даход у галіне прамысловай праграмнай прадукцыі склаў 240,7 млрд. юаняў, што на 14,3 працэнта больш у параўнанні ў 2021-м.
Даход ад паслуг, звязаных з воблачнымі вылічэннямі і вялікімі дадзенымі, павялічыўся на 8,7 працэнта ў гадавым вылічэнні, а даход ад тэхнічных паслуг платформ электроннай камерцыі ўзрос на 18,5 працэнта.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».