23 лютага ў Палацы спорту пачала працаваць Міжнародная спецыялізаваная выстава-кірмаш «Паляванне і рыбалоўства». Для аматараў актыўнага адпачынку наведванне экспазіцыі ўжо даўно стала сімвалам пачатку новага сезона.
На выставе кожны знойдзе цікавае для сябе. Кірмаш фермераў прапануе наведвальнікам шырокі асартымент тавараў: ад паляўнічых нажоў да вішні ў... маліне. Але і гэта не ўсё. Тут і палявая кухня, і майстар-класы па рыбнай лоўлі, і розныя конкурсы, і нават чэмпіянат вабільшчыкаў аленя.
Варта адзначыць, што выстава-кірмаш за час свайго існавання стала адной з самых папулярных у Беларусі. Штогод яе наведваюць ад 3 да 5 тысяч чалавек.
Працаваць яна будзе да 26 лютага.
Лізавета ГОЛАД
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».