Становіцца ўсё больш відавочным, што нашы заходнія «партнёры», запісаўшы Беларусь у шэраг краін, з меркаваннем якіх можна не лічыцца, моцна паспяшаліся. Прэзідэнт Рэспублікі Беларусь — Галоўнакамандуючы Узброенымі Сіламі Аляксандр Лукашэнка — неаднаразова заяўляў, што беларусы — мірныя людзі, і Захаду нават не варта спрабаваць размаўляць з намі з пазіцыі сілы. Узброеныя Сілы нашай краіны гатовы абараніць незалежнасць і тэрытарыяльную цэласнасць Рэспублікі Беларусь. Асабовы склад навучаны, а на ўзбраенне паступаюць самыя сучасныя ўзоры. І вось у снежні 2022 года шэрагі беларускай арміі папоўніў аператыўна-тактычны ракетны комплекс «Іскандэр». Комплекс, роўных якому ў сваім класе ў свеце не існуе!
Магутны і манеўраны, здольны накіравацца куды заўгодна і там чакаць сваёй гадзіны, «Іскандэр» развівае хуткасць па бездарожжы да 70 кіламетраў у гадзіну. Дарэчы, ёсць у вытворчасці «Іскандэра» і немалая доля беларускага складніку. Выкананы ён на шасі Мінскага завода колавых цягачоў (МЗКЦ-7930). «Іскандэр» — комплекс, які можа выкарыстоўваць і балістычныя, і крылатыя ракеты, прызначаныя для выканання рознага роду задач.
З ювелірнай дакладнасцю знішчыць асабліва важныя аб’екты саперніка, няхай гэта будуць камандныя пункты, базы або падземныя бункеры, размешчаныя за сотні кіламетраў? «Іскандэр» з лёгкасцю гэта зробіць. Усё гэта становіцца магчымым дзякуючы ўнікальнай сістэме навядзення і кіравання ракетай на працягу ўсёй траекторыі палёту. Вялікая далёкасць стральбы дае магчымасць выкарыстоўваць «Іскандэр» з глыбіні размяшчэння сваіх войскаў, малы час знаходжання на стартавай пазіцыі і сродкі зніжэння радыёлакацыйнай прыкметнасці робяць яго практычна не знішчальным для звычайных сродкаў знішчэння.
У ракетных войсках, куды аператыўна-тактычны ракетны комплекс паступіў на ўзбраенне, загадзя была створана неабходная інфраструктура. Разлікі навучаны і ўкамплектаваны выключна афіцэрамі, прапаршчыкамі і ваеннаслужачымі, якія праходзяць службу па кантракце.
Служыць на «Іскандэры» — мара кожнага ракетчыка. Гэта нядзіўна: комплекс — сучаснае, дакладнае і ў той жа час надзейнае ў эксплуатацыі ўзбраенне. Аб гэтым расказаў начальнік ракетных войскаў і артылерыі Узброеных Сіл — начальнік упраўлення ракетных войскаў і артылерыі Генеральнага штаба Узброеных Сіл палкоўнік Руслан ЧЭХАЎ:
— Для таго, каб кіраваць гэтым унікальным комплексам, беларускія вайскоўцы прайшлі навучанне ў Расійскай Федэрацыі. Пасля завяршэння тэарэтычнага курса навучання была рэалізавана іх практычная падрыхтоўка на палігоне «Асіповіцкі». У Рэспубліцы Беларусь знаходзіцца дастатковы запас ракет да комплексу, які дасць магчымасць выканаць любую задачу на далёкасці да 500 кіламетраў. У лінейцы сродкаў агнявога паражэння ракетных войсках Узброеных Сіл не хапала менавіта такога комплексу — здольнага выконваць задачы на далёкасць больш за 300 кіламетраў. Гэта найлепшы ў сваім класе ракетны комплекс, які не мае аналагаў у сваім класе ў свеце.
Палкоўнік Руслан Чэхаў падкрэсліў, што ўпраўленнем ракетных войскаў і артылерыі Генеральнага штаба Узброеных Сіл пастаянна адсочваецца вопыт сучасных узброеных канфліктаў: «Цяпер у нас некалькі асноўных напрамкаў развіцця нашага роду войскаў. У першую чаргу гэта развіццё высокадакладнай зброі. Мы атрымалі аператыўна-тактычны ракетны комплекс „Іскандэр“. Цяпер прадпрыемствы Дзяржаўнага ваенна-прамысловага камітэта працуюць над стварэннем ужо мадэрнізаванай рэактыўнай сістэмы залпавага агню „Паланэз-М“. Другі напрамак — гэта развіццё аўтаматызаванай сістэмы кіравання артылерыйскімі падраздзяленнямі тактычнага ўзроўню. Элементы сістэмы ў войсках прадстаўлены комплексам камандзірскіх машын кіравання агнём артылерыі „Цэнтурыён“. Сістэма кіравання стала ўдасканальвацца, вядуцца доследна-канструктарскія работы па распрацоўцы новых сістэм кіравання».
Па словах палкоўніка Руслана Чэхава, вялікая ўвага надаецца развіццю сродкаў артылерыйскай разведкі. У першую чаргу радыёлакацыйнай, у інтарэсах контрбатарэйнай барацьбы. Прадпрыемствы ДВПК актыўна працуюць над гэтым.
Вопыт спецыяльнай ваеннай аперацыі ва Украіне пацвярджае, што артылерыйскія сістэмы савецкага ўзору, якія знаходзяцца на ўзбраенні роду войскаў — 2С1 «Гваздзік», 2С3 «Акацыя», 2С5 «Гіяцынт», БМ-21 «Град» — пры ўмове іх мадэрнізацыі паказваюць вельмі добрыя вынікі. Такая мадэрнізацыя цяпер ажыццяўляецца на прадпрыемствах абароннага комплексу Расійскай Федэрацыі і Рэспублікі Беларусь.
Начальнік ракетных войскаў і артылерыі Узброеных Сіл звярнуў увагу на тое, што адным з найважнейшых напрамкаў з’яўляецца развіццё форм і спосабаў прымянення ракетных войскаў і артылерыі. У гэтым пытанні праца ідзе ўвесь час. Прапрацаваны і ўнесены змяненні ў дзеючыя навучанні і кіраўніцтва па баявым прымяненні падраздзяленняў ракетных войскаў і артылерыі. Арганізавана баявая падрыхтоўка ў адпаведнасці з абноўленымі палажэннямі.
У склад АТРК «Іскандэр» уваходзяць: самаходная пускавая ўстаноўка, транспартна-зараджальная машына, камандна-штабная машына, машына рэгламенту і тэхнічнага абслугоўвання, пункт падрыхтоўкі інфармацыі і машына жыццезабеспячэння.
У зоне баявых дзеянняў «Іскандэры» здольныя дзівіць:
Алег НЯКАЛА
Фота аўтара
Сумесныя праекты ядзерных тэхналогій.
