Прэм’ер-міністр Раман Галоўчанка 13 студзеня наведвае Баранавіцкае вытворчае баваўнянае аб’яднанне, перадае БелТА.
Кіраўнік беларускага ўрада пабываў у вытворчым корпусе БВБА, дзе азнаёміўся з тэхналагічным працэсам прамысловай вытворчасці баваўняных тканін. У прыватнасці, Раман Галоўчанка наведаў прадзільную вытворчасць, ткацкую і аддзелачную фабрыкі. Прэм’еру далажылі аб бягучай сітуацыі на прадпрыемстве і рэзультатах работы канцэрна «Беллегпрам» у 2022 годзе.
На нарадзе, якая цяпер праходзіць з удзелам прэм’ер-міністра, абмяркоўваюцца вынікі работы БВБА ў 2022 годзе і рэалізацыя стратэгіі развіцця аб’яднання да 2028 года. У нарадзе ўдзельнічаюць намеснік прэм’ер-міністра Пётр Пархомчык, старшыня Брэсцкага аблвыканкама Юрый Шулейка, старшыня канцэрна «Беллегпрам» Таццяна Лугіна і генеральны дырэктар БВБА Іван Турчак.
ААТ «Баранавіцкае вытворчае баваўнянае аб’яднанне» («Блакiт») у 2023 годзе адзначыць 60 гадоў. Сёння гэта адзін з буйнейшых вытворцаў тэкстыльнай прадукцыі ў Еўропе і СНД. БВБА пазіцыянуе сябе як прадпрыемства поўнага цыкла: самастойна перапрацоўвае бавоўну, вырабляе пражу, выпускае гатовыя швейныя вырабы. У склад ААТ уваходзяць прадзільная, ткацкая, аддзелачная і швейная фабрыкі.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
