На возеры Цзінба, што ў горадзе Муданьцзян (правінцыя Хэйлунцзян, Паўночна-Усходні Кітай) адбылося адкрыццё сезона зімовай рыбалкі, перадае «Жэньмінь жыбаа» анлайн».
Старт атрымаўся паспяховы — сеткай было вылаўлена 119 тон рыбы. У межах урачыстасцяў таксама правялі «рыбны аўкцыён». Таксама шматлікія госці пабачылі традыцыйны танцавальны паказ янгэ і пакаштавалі тушанай рыбы.
Як вядома, возера Цзінба (альбо Цзіньпоху, даслоўна перакладаецца як «люстранае возера») з’яўляецца ўнікальным прыродным і каштоўным турыстычным аб’ектам. У пасёлку Дунцзінчэн размешчаны руіны «верхняй сталіцы» дзяржавы Бахай. У гісторыі яно таксама вядомае пад назвамі «Мэйта», «Хуханьхай» і «Біэртэн». У возеры каля 40 відаў рыб, таксама ёсць і прэснаводныя каралы.
Даўжыня возера з поўначы на поўдзень складае каля 45 кіламетраў, шырыня з усходу на захад — 6 км. Паўднёвая частка возера з’яўляецца мелкай, у паўночнай жа частцы глыбіня дасягае 62 метры. Возера ўтварылася каля 10 тысяч гадоў таму, калі ў выніку вулканічнай актыўнасці рэчышча ракі Муданьцзян аказалася блакіраваным.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
