Прэс-сакратар кіраўніка дзяржавы Наталля Эйсмант адзначыла, што графік Аляксандра Лукашэнкі восенню будзе насычаным, паведамляе тэлеканал АНТ.
Прэзідэнт анансаваў буйное міжнароднае мерапрыемства, на якім плануе прысутнічаць, — саміт Шанхайскай арганізацыі супрацоўніцтва. Яго фармат пакуль не ўстаноўлены.
Адносна парадку дня ўнутры краіны графік таксама абяцае быць вельмі шчыльным. Кіраўнік дзяржавы, па словах Наталлі Эйсмант, «будзе ва ўсіх школах і ВНУ краіны» 1 верасня.
Таксама Прэзідэнт запланаваў разгляд шэрагу законапраектаў і пытанняў, якія тычацца развіцця грамадзянскай супольнасці, палітычных партый і грамадскіх аб’яднанняў.
Прэс-сакратар кіраўніка дзяржавы патлумачыла, што насычаны графік Прэзідэнта – гэта адказ на тыя пытанні, якія ставіць перад нашай краінай і нашым рэгіёнам, перад усёй планетай 2022 год. «Для нас былі няпростымі і папярэднія гады. Але 2022 – гэта максімальная канцэнтрацыя: ваенная спецыяльная аперацыя, пагроза сусветнага голаду, беспрэцэдэнтныя санкцыі і ціск на нашу краіну. І ўзнікае пытанне: няўжо хтосьці думае, што можна працягваць жыць нармальна, сыта і спакойна, а працаваць, як і раней? Прэзідэнт канкрэтна сваім прыкладам паказвае, што не. Вы чулі, колькі разоў Прэзідэнт вымавіў фразу "распранацца і працаваць". Яна ўжо трансфармавалася ў "напружвацца і працаваць", "упірацца і працаваць"», — сказала Наталля Эйсмант.
Прэв’ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».