Дзяржаўны сакратар Савета бяспекі Рэспублікі Беларусь Аляксандр Вальфовіч 29 ліпеня наведаў Іўеўскі раён, паведамляе БелТА.
Аляксандр Вальфовіч, які з’яўляецца ўпаўнаважаным прадстаўніком кіраўніка дзяржавы ў Гродзенскай вобласці, сустрэўся з мясцовым актывам, абмеркаваў грамадска-палітычную і сацыяльна-эканамічную абстаноўку ў рэгіёне, азнаёміўся з ходам уборкі збожжавых культур, наведаў шэраг сельскагаспадарчых прадпрыемстваў.
Дзяржсакратар асабліва звярнуў увагу кіраўнікоў раёна і сельгасарганізацый на аператыўнае і якаснае вырашэнне праблем, узнятых 26 ліпеня Прэзідэнтам Рэспублікі Беларусь Аляксандрам Лукашэнкам на рэспубліканскай селектарнай нарадзе па пытаннях уборачнай кампаніі.
Аляксандр Вальфовіч падкрэсліў, што пры сусветнай негатыўнай тэндэнцыі цэн на прадукты харчавання, выкліканай ваеннымі канфліктамі, палітычна матываванымі санкцыямі і кліматычнымі катаклізмамі, для Беларусі захаванне патэнцыялу аграпрамысловага комплексу, паспяховае правядзенне жніва застаюцца найбольш важнымі складнікамі эканамічнай і харчовай бяспекі.
Дзяржсакратар адзначыў неабходнасць пастаяннага ўмацавання працоўнай і тэхналагічнай дысцыпліны пры правядзенні ўборачнай, недапушчальнасці страт збожжа, выкліканых парушэннем правіл яго транспарціроўкі і захоўвання, жорсткага рэагавання на выяўленыя факты безгаспадарчасці, прыпісак і крадзяжоў у разгар гарачай пары, усямернай падтрымкі органамі мясцовай улады аграрыяў у вырашэнні ўзнікаючых праблем.
Фота: Газета «Іўеўскі край»
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
