Даведацца пра гісторыю аўтамабіля з прабегам беларусы змогуць анлайн. Над стварэннем электроннай базы цяпер працуе Нацыянальны цэнтр электронных паслуг, паведамляе тэлеканал «Беларусь 1».
Звесткі аб праходжанні тэхагляду, допуску да ўдзелу ў дарожным руху, прабегу, а таксама знаходжанні ў вышуку будуць даступныя ўжо ў бягучым квартале.
Акрамя таго, да канца года з’явяцца новыя тыпы мытных дакументаў, якія перавозчыкі змогуць перадаваць у профільныя органы ў электронным выглядзе. Паслугі па рассыланні паведамленняў ад дзяржорганаў. Яшчэ цэнтр займаецца распрацоўкай сэрвісу для замежных студэнтаў.
«Паслуга ўжо распрацавана і знаходзіцца ў доследнай эксплуатацыі. Можна будзе ў рэжыме анлайн і падаць заяўку на навучанне, і атрымаць запрашэнне з ВНУ, і потым, па прыбыцці ў Беларусь, рэгістравацца анлайн. Цікавая паслуга па выдачы электронных уязных віз у РБ, паслуга распрацавана і знаходзіцца на тэставанні ў замежных установах МЗС. У плане развіцця цыфравізацыі мы ступілі далёка наперад», — пракаментавала начальнік аддзела Нацыянальнага цэнтра электронных паслуг Святлана Караневіч.
Сёння для беларусаў на адзіным партале даступныя 230 відаў электронных паслуг.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
