Самым распаўсюджаным шкоднікам сярод паслёнавых культур з'яўляецца каларадскі жук. На сённяшні дзень існуе вялікая колькасць прэпаратаў, якія з'яўляюцца дастаткова эфектыўным пры барацьбе з ім, але далёка не ўсім агароднікам хочацца выкарыстоўваць на сваім участку сродкі, што змяшчаюць хімічныя рэчывы. Нават самы нейтральны прэпарат мае таксічнае дзеянне. У момант апырсквання таксіны пападаюць не толькі на бульбу, але і на іншыя культуры і адмоўна ўздзейнічаюць на мікраклімат усяго вашага ўчастка. Таму большасць агароднікаў стараецца весці барацьбу з каларадскім жуком пры дапамозе народных сродкаў.
Даступным і лёгкім сродкам для адпуджвання каларадскага жука здаўна лічаць пасадку кропу паміж радамі бульбы і іншых паслёнавых культур. Спецыфічны пах кропу, відаць па ўсім, не спадабаўся гэтаму шкодніку. Таксама замест кропу на градках можна высадзіць каляндру, календулу, агурочную траву. Саджаць кроп варта з разлікам 1 кусцік кропу на 2 кусцікі культуры і па ўсім перыметры ўчастка.
Мачавіна — гэта яшчэ адзін нетаксічны спосаб пазбавіцца ад каларадскага жука. У адрозненне ад іншых сродкаў, мачавіна дапаможа адпудзіць не толькі дарослых асобін, але і іх лічынкі. Ужываюць гэты спосаб у перыяд актыўнага размнажэння насякомых ці ўвосень — для таго каб пазбавіцца ад тых жукоў, якія збіраліся перазімаваць на ўчастку.
Для таго каб прыгатаваць раствор, спатрэбіцца 1 кг бульбы і раствор мачавіны (прапорцыя раствору: 1 шклянка мачавіны на 2 літры вады). Бульбу неабходна нарэзаць долькамі і настойваць на растворы прыкладна суткі.
Настоеную бульбу раскладваем па градках: і ўжо на наступны дзень можна будзе назіраць жучкоў лапкамі ўгору.
Каларадскі жук не пераносіць драўнінны попел, а дзёгаць — прадукт перагонкі драўніны. Выжыць шкоднікаў са свайго ўчастка можна простым апырскваннем кустоў растворам дзёгцю.
Раствор гатуецца ў прапорцыі: на 10 літраў вады — 100 грамаў дзёгцю бярозавага.
Апрацоўваць кусты неабходна 3 разы на тыдзень. Робяць гэта ў яснае, сонечнае надвор'е. Пры апырскванні раслін асаблівую ўвагу аддаюць адваротнаму боку лістоў.
Яшчэ адзін папулярны спосаб пазбаўлення ад каларадскага жука — ужыванне нашатырнага спірту. Ён вызначаецца пахам, які адпуджвае каларадскага жука. Апырскванне культур нашатырным спіртам рэкамендуецца праводзіць у ранішні час сутак і пры адсутнасці ветру. Для прыгатавання раствору 0,5 літра нашатырнага спірту трэба развесці ў 10 літрах вады.
Кока-кола — гэта безалкагольны газіраваны напой, у склад якога ўваходзіць артафосфарная кіслата, якая згубна дзейнічае не толькі на каларадскага жука, але і на кляшчоў і іншых шкодных насякомых. Перад апырскванне кока-колу змешваюць з вадой у прапорцыі 1:1. Ужываць неразведзенай кока-колу не рэкамендуецца, бо на пах цукру і карамелі зляцяцца разнастайныя насякомыя і ніякага эфекту не атрымаецца.
Попел з'яўляецца вельмі эфектыўным сродкам пры барацьбе з каларадскім жуком. Ужываць яго можна некалькімі спосабамі:
Для таго каб папярэдзіць з'яўленне жука, пры пасадцы бульбы попел насыпаюць у кожную лунку.
Апрацоўка кустоў. Для таго каб знішчыць лічынкі і дарослых асобін каларадскага жука, кусты раслін апрацоўваюць драўнінным попелам, часцей за ўсё бярозавым. Для такой працэдуры спатрэбіцца прыкладна 10 кг попелу на «сотку».
Апырскванне. Два апырскванні з інтэрвалам у тыдзень здольныя пазбавіць участак ад шкоднікаў. Для прыгатавання раствору здрабняюць 1 кавалак гаспадарчага мыла і раствараюць яго ў вядры вады, дадаюць туды адзін літровы слоік попелу. Настойваецца раствор прыкладна 15 хвілін, пасля 1 літр гатовага раствору дадаюць у 1 вядро вады і апырскваюць пасадкі бульбы.
Фота pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
