Форум, прымеркаваны да 81-й гадавіны пачатку Вялікай Айчыннай вайны, праходзіць пад эгідай Палаты прадстаўнікоў Нацыянальнага сходу. У беларускую сталіцу прыбылі парламенцкія дэлегацыі з Арменіі, Казахстана, Расійскай Федэрацыі, Таджыкістана і Узбекістана. Таксама ў канферэнцыі возьмуць удзел прадстаўнікі Межпарламенцкай асамблеі дзяржаў — удзельніц СНД, Парламенцкай асамблеі АДКБ, Парламенцкага сходу Беларусі і Расіі, Выканкама СНД, дзяржаўных органаў, навуковыя супрацоўнікі і эксперты.
Канферэнцыя праводзіцца з мэтай аб’яднання намаганняў міжнароднай супольнасці па абароне гістарычнай памяці, абмену вопытам у галіне заканадаўчага рэгулявання пытанняў недапушчэння рэабілітацыі нацызму, гераізацыі нацысцкіх злачынцаў і іх памагатых, узмацнення межпарламенцкага ўзаемадзеяння на прасторы СНД па супрацьдзеянні фальсіфікацыі гістарычнай праўды і памяці аб падзеях Другой сусветнай і Вялікай Айчыннай войнаў.
Перш чым прыступіць да работы, парламенцкія дэлегацыі прымуць удзел у цырымоніі ўскладання вянка і кветак да манумента Перамогі. Затым дэлегаты наведаюць мемарыяльны комплекс «Храм — помнік у гонар Усіх Святых», у крыпце якога захоўваюцца капсулы з зямлёй з месцаў пахавання беларусаў, якія ў тым ліку загінулі ў лагеры смерці «Трасцянец», у баях на Курскай дузе, вызваляючы Еўропу ад фашызму...
Сваім кампетэнтным меркаваннем аб падзеях Другой сусветнай і Вялікай Айчыннай войнаў, а таксама навуковымі распрацоўкамі, канкрэтнымі прыкладамі ўвекавечвання памяці абаронцаў Айчыны, рэальнымі дзеяннямі па недапушчэнні фальсіфікацыі гісторыі і рэабілітацыі нацызму ўдзельнікі канферэнцыі падзеляцца падчас тэматычных секцый: «Вялікая Айчынная вайна ў сучаснай гістарыяграфіі», «Святы абавязак жывых», «Злачынствы без тэрміну даўнасці», «Гістарычная памяць. Нітка, якая звязвае пакаленні», «Вялікая Перамога ў грамадска-медыйным ракурсе».
Скончыцца першы дзень работы канферэнцыі малітвай-рэквіемам у памяць аб ахвярах генацыду «Не зарасце народная сцежка» ў мемарыяльным комплексе «Хатынь». 15 чэрвеня адбудзецца пленарнае пасяджэнне «Гістарычная памяць: Вялікая Перамога, здабытая адзінствам», падчас якога будзе прынята выніковая рэзалюцыя канферэнцыі.
Вераніка КАНЮТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».