Сярод дрэнных навін аб несправядлівым адхіленні беларускіх спартсменаў ад міжнародных стартаў, празмернай палітызацыі спорту ёсць месца і добрым падзеям. Такім, як фінал 30-га адкрытага чэмпіяната Беларусі па хакеі ў экстралізе сезона 2021-2022, які ўжо стаў гістарычным. У вырашальным матчы плэй-оф беларускай экстралігі хакеісты жлобінскага «Металурга» абыгралі мінскае «Юнацтва». Вынік сустрэчы — 3:0. Для жлобінскага клуба гэта другі чэмпіёнскі тытул. Папярэдняя перамога была 10 гадоў таму ў фінале экстралігі 2012 года.
З трыбун «Мінск-Арэны» за бітвай на лёдзе назіраў Прэзідэнт Беларусі Аляксандр Лукашэнка. Ён жа і ўручыў пераможцам галоўны прыз — Кубак Прэзідэнта. Капітан «Юнацтва» атрымаў з рук кіраўніка дзяржавы ўзнагароду за другое месца. «Дарагія сябры! Я думаю, выказваю меркаванне ўсіх нашых хлопцаў, якія стаяць на гэтай пляцоўцы, і нашых трэнераў, калі падзякую арганізатарам сённяшняга матчу і нашым гледачам: больш за 15 тысяч чалавек прыехалі і прыйшлі на гэты стадыён. Заўсёды гавораць аб выніках. З майго пункта гледжання, вынік сённяшняга матчу якраз у тым, што ёсць пераможцы, але няма пераможаных, няма прайграўшых», — падкрэсліў Аляксандр Лукашэнка. Ён прызнаўся, што ўважліва сачыў за фінальнай серыяй чэмпіяната. Кіраўнік дзяржавы пахваліў хакеістаў, падкрэсліўшы, што яны аддалі сябе поўнасцю гэтай гульні. «Вы падарылі беларускаму народу і людзям, якія прыйшлі ў гэтую залу — і мне ў тым ліку — выдатную гульню. Мужчынскую гульню. Сапраўдны хакей», — падкрэсліў ён.
Аляксандр Лукашэнка адзначыў, што варта памятаць адну ісціну: беларускі хакей існуе, дзякуючы вялікаму «Юнацтву» і дзякуючы яшчэ адной беларускай камандзе — «Дынама». Але па яго словах, у Жлобіна і Гомеля ўсё наперадзе. «Вы малайцы! Вы стварылі сёння такі каларыт на гэтай арэне, што я не памятаю, каб такое было», — дадаў кіраўнік дзяржавы. Па словах Аляксандра Лукашэнкі ён будзе шчаслівым, калі кожны год будзе чэмпіён з рэгіянальных гарадоў, асабліва такіх адносна невялікіх як Жлобін. Ён папрасіў не забываць тых, хто стаяў каля вытокаў. «Гэта было на маіх вачах пасля распаду Савецкага Саюза. Калі адзін з трэнераў прыйшоў да мяне і папрасіў выратаваць “Юнацтва”. Мы выратавалі гэтую каманду, і яны плацяць нашаму гледачу выдатнай гульнёй, змагаючыся з маладымі хлопцамі, якія пасля іх ідуць далей, яны будуць гуляць лепш. І ў гэтым развіццё нашага хакея», — сказаў Прэзідэнт.
Кіраўнік дзяржавы звярнуў увагу на аматарскую падтрымку жлобінцаў. Па яго словаз, калі ўсіх беларускіх спарстменаў будуць так любіць і падтрымліваць, як гэта рабілі жлобінцы, ніякія санкцыі не страшныя. Прэзідэнт звярнуў увагу і на галоўнага спонсара «Металурга» — Беларускі металургічны завод: «Гэта дзякуючы ім, дзякуючы гэтаму працоўнаму калектыву вы ў асноўным стаіце на гэтым лёдзе. Памятайце, шануйце гэта, паважайце гэтых людзей. І першае, што вы павінны зрабіць, вярнуўшыся дадому, паехаць у гэты працоўны калектыў, каб яны бачылі вас, пераможцаў. Для іх гэта вельмі важна сёння».
Падчас цырымоніі ўзнагароджання фанаты «Металурга» прапанавалі перанесці сталіцу з Мінска ў Жлобін. Гэта пачуў і Прэзідэнт. «Гэта вельмі дорага, але я падумаю».
Матч «Юнацтва» і «Металурга» стаў унікальным матчам не толькі для жлобінскай каманды, але і для беларускага хакея. Зафіксуем, чаму гэтая гульня запомніцца надоўга. На шляху да заветнага кубка каманды гуляюць серыю матчаў, якая працягваецца да чатырох перамог. І тут пачалася сапраўдная магія лічбаў. «Металург» і «Юнацтва» правялі шэсць гульняў і вынік быў нічэйны — 3:3, усё залежала ад сёмага матчу. У гісторыі кубка гэта быў трэці раз, калі фінальная серыя даходзіла да сёмага паядынку. Рпней такое здралася двойчы і абодва разы з «Юнацтвам». У 2009 годзе мінчане абыгралі «Гомель», а ў 2010-м — «Шахцёр».
«Металург» стаў першым у гісторыі экстралігі чэмпіёнам, які ў фінальнай серыі адыграўся з 0:2. У дзвюх першых матчах серыі пераможцамі былі хакеісты «Юнацтва». «Перш за ўсё, з перамогай усіх: каманду, хлопцаў, горад, наша кіраўніцтва, генеральнага спонсара, ад якіх на працягу ўсяго сезона мы адчувалі падтрымку — і ў моманты перамог, і на адрэзках, калі не ўсё атрымлівалася. Дзякуй суперніку за такую выдатную серыю! Мужчыны выдатна рабілі сваю працу, не стамлюся гэта паўтараць. Гэта выклікае вялікую павагу.Нізкі паклон нашым заўзятарам. У панядзелак не пашкадавалі сіл, часу, прарабілі такі шлях. Прыгажуны! Яны зрабілі гэты фінал яркім, незабыўным. Такое пачуццё было, што ўся “Мінск-Арэна” балела за “Металург”. Незабыўныя эмоцыі для мяне, для хлопцаў, ды і для ўсіх, хто пабываў на такім матчы ў такім шыкоўным антуражы. Мы дасягнулі мэты, да якой ішлі амаль год, ад 13 чэрвеня 2021-га. Што тут яшчэ дадаць? Усім дзякуй і з першым месцам!», — сказаў галоўны трэнер «Металурга» Дзмітрый Краўчанка пасля матчу.
Здаецца, у той дзень, жлобінскія хакеісты вырашылі ўзяць ад жыцця ўсё. Віталь Пінчук стаў лепшым бамбардзірам фінальнай серыі плэй-офф. Нападаючы набіраў балы ў шасці матчах з сямі магчымых, усяго ў яго актыве восем балаў. Сяргей Кузняцоў усталяваў рэкорд сярод бамбардзіраў у адным розыгрышы плэй-офф сярод гульцоў да 21 года. У матчы супраць «Юнацтва» ён закінуў дзве шайбы ў вароты саперніка. У сёлетнім розыгрышы плэй-оф ён набраў 19 выніковых балаў. Гэта рэкорд і ў гісторыі экстралігі, і ў асобным розыгрышы плэй-офф. Падчас гэтага розыгрышу плэй-офф «Металург» правёў дзве сяміматчавыя серыі — супраць «Шахцёра» у паўфінале і «Юнацтва» ў фінале. Абедзве серыі скончыліся «сухімі перамогамі» жлобінскіх хакеістаў: над салігарчанамі 5:0, над мінчанамі — 3:0. Вароты «ваўкоў» у гэтых сустрэчах абарняў Аляксандр Самойлаў. І ён стаў першым галкіперам у гісторыі экстралігі, хто аформіў два шатаўты (адбіў усе атакі саперніка і пакінуў свае вароты на замку- прым. «Звязды») ў сёмых матчах серый плэй-оф.
І яшчэ адзін прыемны факт. За гэтымі поспехамі і рэкордамі з трыбун «Мінск-Арэны» назірала рэкордная колькасць гледачоў — 15 086. Гэта рэкорд наведвальнасці матчаў чэмпянату Беларусі. Папярэдні рэкорд трымаўся 12 гадоў. Тады 3 красавіка 2010 году за сёмым матчам фінальнай серыі «Юнацтва» — «Шахцёр» назіралі 15 000 аматараў.
Старшыня Федэрацыі хакея Беларусі Аляксандр Багдановіч падзякаваў каманды за выдатны фінал: «Абедзве каманды былі вартыя трафея, але ў спорце можа быць толькі адзін пераможца. Я віншую хакейны клуб “Металург”, трэнерска-адміністрацыйны штаб, гульцоў, шматлікіх балельшчыкаў і ўсіх, хто дапамагаў камандзе ісці да гэтага чэмпіёнства, з заваяваннем Кубка Прэзідэнта! Гэта стала дастойным упрыгожаннем усяго хакейнага сезона».
Валерыя СЦЯЦКО
Фота БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
