У Мінскім праваслаўным храме Андрэя Першазваннага ў мікрараёне Серабранка ў штаце званароў лічацца чатыры жанчыны. Дзве з іх — на гэтым фота. У Ганны Падрадчык (на першым плане) званарскі стаж — адзінаццаць гадоў. З дзяцінства яна дапамагала званару ў царкве ў вёсцы Любань Вілейскага раёна, а потым і ў храме вёскі Куранец таго ж раёна. Калі будоўля серабранскага храма была яшчэ не завершана, Ганна стала першым званаром, сама ж яна па прафесіі — інжынер-будаўнік. А Ірына Юрша, былы музычны педагог, толькі другі год падымаецца на званіцу храма, але ўжо віртуозна выконвае і перазвоны, і трызвоны (у час чытання Евангелля і на хрэсны ход). Царкоўная званіца ўкамплектавана шасцю званамі (дарэчы, пяць з іх адлітыя ў мінскай ліцейцы), так што іграць тут ёсць на чым. І Ганна, і Ірына — выпускніцы Мінскай школы званароў пад кіраўніцтвам вядомага педагога Багдана Бярозкіна.
Анатоль КЛЯШЧУК
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.