Настаўнік малявання дзіцячай школы мастацтваў у Рагачове Андрэй Ляўкоў з маленства захоплены жанрам гістарычных паходаў і бітваў, стварае відовішчныя палотны на тэму вайны 1812 года. Абласныя і раённыя музеі і галерэі часта запрашаюць Андрэя паказаць асабістую «напалеоніку», у невялікай творчай біяграфіі мастака пазначаны ўжо дзясяткі праведзеных выстаў — у Гомелі, Магілёве, Віцебску, Оршы, Полацку і Наваполацку, Талачыне і Слаўгарадзе, Акцябарскім і, само-сабою, Рагачове. Частку выставачнай экспазіцыйнай плошчы творца заўсёды адводзіць пад калекцыю ваенна-гістарычнай мініяцюры, так званых алавяных салдацікаў, выкананых у маштабе адзін да трыццаці (у адпаведнасці з ростам чалавека), якія рэалістычна і праўдзіва дэманструюць уніформу, даспехі і амуніцыю воінаў імператарскай гвардыі.
Мне пашанцавала паназіраць, як ствараецца алавяны салдацік. Я застаў мастака за працай — ён рыхтаваў чарговых гвардзейцаў, выпраўляў хібы алавянага ліцця (на фота). А перад гэтым была лепка, сіліконавая і гіпсавая фармоўка, сушка, заліўка гарачым волавам. На адну фігуру салдаціка, па словах Андрэя, ён затрачвае два месяцы. І толькі пасля дасканальнай апрацоўкі пачынае афарбоўваць: шынель, боты, ківер, аксельбант, пагоны і нашыўкі, стрэльбу і сумкі, твар, вочы, вусы... Таму ў сваёй справе Андрэй з'яўляецца адначасова і скульптарам, і мадэльерам, і фармоўшчыкам, і ліцейшчыкам. Яго скульптурна-ліцейны цэх побач — газавая пліта на кухні і табурэт у спальным пакоі (на фота) — іншых тэхналагічных альбо адмысловых выгод для працы ў ягон кватэры я не заўважыў.
У далейшых планах Андрэя — праект пра Вялікую Айчынную вайну, пра вызваленне Рагачова.
Анатоль КЛЯШЧУК
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
