Савет Рэспублікі правёў пасяджэнне восьмай сесіі, дзе быў адобраны шэраг законапраектаў. Таксама на пасяджэнні сесіі Савет Рэспублікі прыняў зварот да дэпутатаў Бундэстага Федэратыўнай Рэспублікі Германія ў сувязі з незапрашэннем беларускіх афіцыйных асоб на памятныя мерапрыемствы да гадавіны вызвалення канцлагераў Бухенвальд і Мітэльбау-Дора. У звароце сказана, што Савет Рэспублікі Нацыянальнага сходу Рэспублікі Беларусь з глыбокім шкадаваннем успрыняў рашэнне кіраўніцтва фонду «Мемарыялы Бухенвальд і Мітэльбау-Дора».
Старшыня Савета Рэспублікі Наталля Качанава адзначыла, што члены Савета Рэспублікі пастаянна трымаюць такія пытанні на жорсткім кантролі і неаднаразова звярталіся да калег, дэпутатаў Еўрасаюза, каб давесці пазіцыю нашай краіны.
«На жаль, у гэтым замешана палітыка — часам брудная, несумленная, несправядлівая. Вядома, мы не можам з гэтым мірыцца і сёння прынялі чарговы зварот да еўрапейскіх дэпутатаў аб тым, што гэта недапушчальна. Гэта наша памяць, якую ніхто ў нас не выкрасліць, пра тую вялікую трагедыю, якая была на нашай зямлі. Ніхто не адбярэ ў нас права ўшанаваць памяць тых, хто абараніў свабоду і незалежнасць нашай краіны, хто загінуў у тыя гады», — падкрэсліла спікер верхняй палаты парламента.
Наталля Качанава акцэнтавала ўвагу на тым, што такія дзеянні Захаду недапушчальныя і падлягаюць асуджэнню. «Такія рашэнні гэтыя людзі прымаюць сёння, на мой погляд, ад бяссілля і слабасці. Яны спрабуюць хоць нечым траўмаваць беларусаў, і гэта дрэнна. Думаю, кожны чалавек добрай волі, міралюбівы разумее гэта. Спадзяёмся, што нас пачуюць. Нават калі яны не змогуць ухваліць нашу заяву публічна, то ў сэрцы кожнага нармальнага чалавека гэты жэст пасее зерне сумнення ў правільнасці прынятых імі рашэнняў», — падкрэсліла яна.
У зваорце сказана, што ў нашай краіне ведаюць цану Перамогі, бо Беларусь больш чым якая-небудзь іншая дзяржава Еўропы пацярпела ад Вялікай Айчыннай вайны, нясучы незаменныя страты. «На захопленых беларускіх землях нацысты ўстанавілі жорсткі рэжым беззаконня, гвалту, рабавання і крывавага тэрору. Яго мэтай было поўнае заняволенне. рабаванне народа, зверскае знішчэнне насельніцтва... Беларусь была пакрыта густой сеткай нацысцкіх лагераў, гета, турмаў... Страшныя адрасы генацыду беларускага народа ведае ўвесь свет: Хатынь, Дальва, Азарычы, Шунёўка, Трасцянец», — сказана ў звароце.
У гады вайны загінуў кожны трэці жыхар Беларусі, а гэта каля 3 млн чалавек. Свята захоўваючы памяць аб гэтых падзеях, беларусы заўсёды імкнуліся і будуць імкнуцца да мірнага ўрэгулявання любых канфліктаў. «Асуджаем дзеянні кіраўніцтва фонду “Мемарыялы Бухенвальд і Мітэльбау-Дора” і патрабуем аднавіць магчымасць штогод аддаваць даніну павагі вязням гэтых канцлагераў. Гэта нашы агульныя бяда і боль. Мы смуткуем аб кожным загінуўшым у страшным пекле вайны і ў любым выпадку ўшануем памяць ахвяр фашызму. Заклікаем калег-парламентарыяў Германіі супрацьстаяць такім недружалюбным дзеянням і не дапускаць падобнага ў далейшым. Упэўнены, што сумеснымі намаганнямі мы зможам прадоўжыць супрацоўніцтва ў інтарэсах міру і бяспекі ў нашым рэгіёне дзеля захавання гістарычнай памяці і ўзаемапрымірэння ў імя будучыні», — падкрэслілі ў верхняй палаце Парламента.
Валерыя СЦЯЦКО
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.