Прэзідэнт Беларусі Аляксандр Лукашэнка прыняў ўдзел у рэспубліканскім зімовым спартыўным свяце «Мінская лыжня — 2022».
Мерапрыемства прайшло на базе Рэспубліканскага цэнтра алімпійскай падрыхтоўкі па зімовых відах спорту «Раўбічы» ў фармаце біятлонных эстафет. На старт таксама выйшлі каманды Кіраўніка дзяржавы, Адміністрацыі Прэзідэнта, Апапарата Савета міністраў, Парламента, Кіоаўніцтва справамі Прэзідэнта Камітэта дзяржаўнага кантролю, Выканаўчага камітэта СНД, аблвыканкамаў, Мінскага гарвыканкама і іншыя каманды. Усяго ў біятлонных эстафетах запланаваны ўдзел каля 50 каманд.
Ствараць святочны настрой удзельнікам і гасцям свята будуць творчыя калектывы і конкурсная праграма для аматараў.
Біятлонныя эстафеты ўключаюць чатыры этапы, на кожным з якіх ўдзельнік праходзіць два кіламетры (два кругі па адным кіламетры) з двума агнявымі рубяжамі.
Каманда Прэзідэнта першай прыйшла да фінішу эстафетнай гонцы 4х2, якая прайшла на рэспубліканскім свяце «Мінская лыжня». У саставе каманды, акрамя Аляксандра Лукашэнкі выступілі таксама Святлана Канашэнка, Людміла Калінчык і Мікалай Лукашэнка.
Каманда Прэзідэнта паказала выдатны вынік на агнявых рубяжах, закрыўшы 40 з 40 мішэняў. Эстафетную гонку каманда кіраўніка дзяржавы пераадолела без штрафных кругоў.
Адзначым, што каманда кіраўніка дзяржавы выступала па-за конкурсу. Першае прызавое месца з трыма промахамі заняла каманда Віцебскага аблвыканкама. Другое заліковае месца ў каманды Камітэтата дзяржаўнага кантроля. На трэцім месцы – каманда Брэсцкага аблвыканкама.
Пасля біятлоннай эстафетнай гонкі Прэзідэнт сустрэўся з журналістамі і падзяліўся сваімі ўражаннямі ад спартыўнага свята. «З пункту гледжання гатоўнасці ўсё ідэальна. Надвор’е Бог падарыў. Прэтэнзій ніякіх няма. І павінен сказаць, што з кожным годам спартсмены рыхтуюцца ўсё лепш і лепш», — сказаў ён.
Прадстаўнікоў сродкаў масавай інфармацыі цікавілі не толькі спартыўныя пытанні. У прыватнасці, беларускі лідар расказаў пра рэалізацыю беларускіх праектаў на Балтыцы. Раней Прэзідэнт Расійскай Федэрацыі Уладзімір Пуцін даў даручэнне дапамагчы развіццю беларускіх праектаў у гэтым рэгіёне. Аляксандр Лукашэнка расказаў, што гаворка ідзе пра будаўніцтва партовай гаспадаркі. Беларусі неабходныя свае парты. Беларускі і расійскі кіраўнікі дзяржаў абмяркоўвалі гэтае пытанне яшчэ да канфлікту Украіны і Расіі.
«У аператыўным парадку былі вызначаны месцы, месцы вельмі добрыя, мне ўжо далажылі. Разам паедзем, паглядзім, як там ідзе будаўніцтва. На працягу двух гадоў у нас там будуць парты, будзем грузіць свае грузы. Прэзідэнт Расіі мне сказаў, што любы беларускі праект яны будуць падтрымліваць. Гэта было яшчэ да канфлікту. А зараз і сам бог загадаў. Вы ж бачыце гэтыя вар’яцкія санкцыі супраць Расіі. І нас туды за кампанію, каб Расія не абышла санкцыі праз Беларусь. Ну, што тут скажаш... Любы праект у любым месцы Расіі, іх ужо нямала, яны нас падтрымліваюць, а мы рэалізуем, таму пацерпім. А далей убачыце, яны да нас прыйдуць і будуць прасіць прабачэння, каб мы з імі супрацоўнічалі», — сказаў беларускі лідар.
Валерыя СЦЯЦКО
Фота БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.