У апошні дзень студзеня Іван Кустаў адзначыў свой 98-ы дзень нараджэння, прымаў віншаванні, а тут такая сумная навіна...
Іван Ільіч апошнім у Беларусі насіў гэтае высокае званне. А нарадзіўся будучы герой у звычайнай сялянскай сям'і на Свярдлоўшчыне. Дзяцінства, як і ў многіх людзей таго пакалення, было нялёгкае: трэба было працаваць не складаючы рук. Іван Кустаў паспяваў яшчэ і вучыцца: пасля заканчэння сельскай школы застаўся працаваць у родным калгасе.
Вялікую Айчынную вайну прайшоў пехацінцам. Вызваляў Украіну, Малдавію, Польшчу. Некалькі разоў быў паранены. Высокае званне Героя Савецкага Саюза Івану Ільічу было прысвоена за кіраванне боем у час кровапралітнага фарсіравання заходняга прытока Віслы — аднаго з самых цяжкіх баёў Вісла-Одэрскай аперацыі, падчас якога рота пад яго камандаваннем адбіла сем атак праціўніка. «За два дні баёў ротай пад камандаваннем капітана Івана Кустава было знішчана 210 і захоплена ў палон 25 гітлераўцаў», — сведчаць дакументы ваенных часоў. Івану Куставу тады быў усяго 21 год.
І ў мірны час Іван Ільіч заставаўся воінам-абаронцам: служыў Айчыне, вучыў маладых салдат, працаваў з моладдзю. Нават будучы на пенсіі палкоўнік у адстаўцы не знаходзіўся ўбаку ад таго, што адбывалася ў краіне.
Прэзідэнт Беларусі выказаў спачуванні родным Івана Кустава. «Сышоў з жыцця чалавек нязломнай волі і бязмежнай асабістай мужнасці, усё жыццё якога было найярчэйшым прыкладам служэння Радзіме, народу, вернасці высокім ідэалам і грамадзянскім каштоўнасцям, — гаворыцца ў паведамленні. — Мы страцілі найгоднейшага прадстаўніка легендарнага пакалення герояў-вызваліцеляў, сапраўднага сына сваёй Радзімы. Іван Ільіч сышоў у вечнасць, пакінуўшы яркі след не толькі ў сэрцах сваіх родных і блізкіх, але і ў гісторыі нашай краіны. Яго жыццёвы шлях — гэта сапраўдны прыклад і магутная духоўная апора для цяперашніх і наступных пакаленняў абаронцаў Айчыны. Светлая і добрая памяць аб сапраўдным чалавеку заўсёды будзе жыць у нашых сэрцах».
Вераніка КАНЮТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.