Эфектныя трукі, захапляльныя скачкі і незабыўныя выступленні – гэта ўсё фрыстайл. Від спорту, які асацыюецца з палётам і пераадоленнем чалавечых магчымасцей. І таму спаборніцтвы выклікаюць такую ўвагу гледачоў з усяго свету.
На Алімпійскіх гульнях у Пекіне ў спаборніцтвах па фрыстайле будзе разыграна 13 камплектаў медалёў. У Пекіне дэбютуюць такія дысцыпліны біг-эйр і камандныя спаборніцтвы па лыжнай акрабатыцы. Раскажам падрабязнее пра дысцыпліны фрыстайла на алімпіядзе 2022.
Могул — спуск на лыжах па ўзгорыстым схіле. Могулам называюць купкі, якіх таксама шмат на склоне і паміж якімі фрыстайліст лавіруе. Падчас спуска спартсмен павінен пераадолець два трампліны, на якіх дэманструе скачкі. Выступленне ацэньваецца па наступных крытэрыях: тэхніка паваротаў, складанасць скачкоў і якасць іх выканання, а таксама час спуска.
Лыжная акрабатыка — выкананне складаных акрабатычных элементаў падчас скачкоў на спецыяльных трамплінах. На спаборніцтвах спартсмены выконваюць загадзя заўленыя скачкі, якія могуць складацца з сальта, вінтоў, пераваротаў і іншых элементаў. Суддзі ацэньваюць складанасць скачкоў, а таксама палёт, форму скачкоў і чысціню прызямлення.
Скі-кросс — гонка чатырох лыжнікаў па спецыяльнай гарналыжнай трасе, якая ўключае ў сябе снежныя перашкоды ў выглядзе розных трамплінаў, і віражоў. Першыя два лыжнікі з кожнага заезда выходзяць у наступны раўнд.
Слоўпстал — акрабатычныя скачкі на спецыяльных перашкодах, размешчаных па ўсёй працягласці трасы. Звычайна на трасе шэсць аб’ектаў: тры трампліна і тры фігуры для скальжэння.
Хафпайм — спуск на лыжах па спецыяльнаму схілу, які мае ў папярочным сячэнні форму літары U. Гэты жолаб і ёсць хафпайп (ангел. палова трубы). Вышыня сценак дасягае 6,7м. Падчас спуску лыжнікі выконваюць скачкі і трукі ўнутры хафпайпа і з адрывам ад сценак.
Біг-эйр — выкананне аднаго скачка з вялікага трампліна. У лыжнікаў ёсць тры спробы, каб выканаць як мага больш складаны скачок і заработаць максімальную колькасць балаў.
Канадскага фрыстайлісты Міхаэля Кінгсберы называюць не інакш як «каралём могула». Гэта мацнейшы спартсмен у гісторыі гэтай дысцыпліны. У мінулым сезоне ён аднавіўся пасля траўмы спіны і выйграў Кубак свету. На алімпіядзе спаборнічаць з чэмпіёнам свету і алімпійскім чэмпіёнам будзе вельмі няпроста. У лыжнай акрабатыцы галоўная фаварытка аўстралійка Лора Піл. Гульні ў Пекіне стануць для яе трэцяй спробай заваяваць алімпійскі медаль. Швейцарка Фанні Сміт лічыцца галоўным лідарам у жанчын. У яе актыве 29 перамог на этапах Кубка свету, што зрабіла яе лепшай спартсменкай у гісторыі скі-кроса. Многія спартсмены адначасова выступаюць у слоўпстайле і біг-эйре. На медалі ў дзвюх дысцыплінах прэтэндуе кітаянка Эйлін Гу, чэмпіёнка свету 2021 года, двухразовая пераможца юнацкіх алімпійскіх гульняў 2020. Канкурэнцыю ёй саставіць сярэбраны прызёр Пхенчхана Мацільда Грэма. Сваё слова скажа і швейцарац Андры Рагеттлі, які 16 студзеня набыў тытул самага тытулаванага фрыстайліста ў гісторыі Кубка свету.
Спаборніцтвы па фрыстайле на Алімпійскіх гульнях у Пекіне пройдуць з 3 па 19 лютага. Турніры прымуць снежны парк «Геньцін» і комплекс «Біг-эйр Шоўган».
Валерыя СЦЯЦКО
Фота БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
