Грамадскае абмеркаванне праекта абноўленай Канстытуцыі пачнецца на наступным тыдні. Аб гэтым паведаміў сёння журналістам кіраўнік Адміністрацыі Прэзідэнта Ігар Сергеенка па выніках нарады ў Прэзідэнта па пытаннях змянення Канстытуцыі, перадае БелТА.
Паводле слоў кіраўніка Адміністрацыі Прэзідэнта, у час нарады яшчэ раз былі дэталёва разгледжаны ўсе раздзелы праекта Канстытуцыі. «У выніку прынята рашэнне — на наступным тыдні мы пачынаем усенароднае абмеркаванне. Адпаведна, праект Канстытуцыі з’явіцца ў сродках масавай інфармацыі, на партале нашага цэнтра (Нацыянальны цэнтр прававой інфармацыі. — Заўвага БелТА)», — сказаў Ігар Сергеенка.
Канкрэтны тэрмін для грамадскага абмеркавання пакуль не адводзіцца: усё залежыць ад актыўнасці грамадзян. «Мы разлічваем, што нашы грамадзяне актыўна адгукнуцца, унясуць свае прапановы, якія будуць у далейшым улічаны і дапрацаваны ў ходзе наступнага этапу — па выніках усенароднага абмеркавання на розных дыялогавых пляцоўках, сустрэчах у калектывах, проста абмеркавання грамадзянамі мы выйдзем на канкрэтны тэкст Канстытуцыі, будзе адпаведны ўказ кіраўніка дзяржавы аб назначэнні дня рэферэндуму», — адзначыў кіраўнік Адміністрацыі.
Свае прапановы грамадзяне могуць накіроўваць у парламент, Адміністрацыю Прэзідэнта, Нацыянальны цэнтр прававой інфармацыі, у сродкі масавай інфармацыі. «Усе меркаванні будуць пачуты, — запэўніў Ігар Сергеенка. — Мы чакаем водгуку, канструктыўных прапаноў».
Фота БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
