Вы тут

Сёння можна вiртуальна пабываць у кабiнеце Пятра Глебкi


Сёння можна вiртуальна пабываць у кабiнеце беларускага паэта, драматурга, перакладчыка, акадэмiка Пятра Глебкi.


Усё жыццё пiсьменнiк збiраў кнiгi, яго калекцыi мог пазайздросцiць кожны аматар лiтаратуры — там было звыш 3800 экзэмпляраў выданняў на беларускай, рускай, украiнскай i iншых мовах. Пётр Фёдаравiч не хацеў, каб гэты скарб разышоўся па розных сховiшчах, i вырашыў завяшчаць свой кнiгазбор i архiў акадэмiчнай бiблiятэцы.

Кнiжная калекцыя Глебкi разам з абсталяваннем яго кабiнета захавалася дзякуючы намаганням супрацоўнiкаў Цэнтральнай навуковай бiблiятэкi iмя Якуба Коласа НАН Беларусi. Кнiгазбор знаходзіцца ў аддзеле рэдкiх кнiг i рукапiсаў. А сёння дзякуючы спецыяльнаму сэрвiсу пазнаёмiцца з гэтымi багаццямi можам i мы.

Новы вiртуальны праект прапануе перанесцiся ў атмасферу сярэдзiны мiнулага стагоддзя. У рабочым кабiнеце пiсьменнiка захавалiся i яго асабiстыя рэчы, сярод якiх карцiны, прадметы дэкору, акуляры, блакнот удзельнiка сесii ААН (Пётр Фёдаравiч у складзе беларускай дэлегацыi браў удзел у рабоце сесiй Генеральнай асамблеi. Супрацоўнiкi бiблiятэкi падрыхтавалi цiкавыя звесткi пра некаторыя экспанаты мемарыяльнага кабiнета. Рэсурс паступова напаўняецца iнфармацыяй. Тут можна будзе знайсцi інфармацыю пра жыццё i творчасць Пятра Глебкi, фотаздымкi, пазнаёмiцца з кнiгамi з яго калекцыi.

Алена ДЗЯДЗЮЛЯ

Загаловак у газеце: Завiтаем у госцi да класiка?

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.